Bishita di Sekretario di Estado pa Relashonnan den Reino i Digitalisashon na Konseho di Minister / Kennismaking Staatssecretaris Koninkrijksrelaties en Digitalisering met de Raad van Ministers
Asuntunan General i Promé Minister
Bishita di Sekretario di Estado pa Relashonnan den Reino i Digitalisashon na Konseho di Minister
Publiká riba 14 Ougùstùs 2025
WILLEMSTAD – Dia 14 di ougùstùs 2025, Sekretario di Estado pa Relashonnan den Reino i Digitalisashon, sr. Eddie van Marum, a hasi un bishita di introdukshon na Konseho di Minister. E bishita a kuminsá ku un reunion bilateral entre Sekretario di Estado i Vise Promé Minister, sr. Javier Silvania, siguí pa un reunion huntu ku e otro miembronan di Konseho di Minister.
Durante e reunion ku Konseho di Minister, Vise Promé Minister a ekspresá su gratitut na e Sekretario di Estado pa e kolaborashon entre e dos paisnan. E kolaborashon akí a habri kaminda pa gobièrnu hasi invershonnan signifikante pa Kòrsou. Por ehèmpel, rekursonan finansiero ta wòrdu aloká aktualmente pa proyektonan lokal ku lo tin un tremendo impakto positivo riba kalidat di bida di e poblashon. Den e kuadro akí, un di e proyektonan menshoná ta e proyekto pa oumentá e Algemene Ouderdomsverzekering (AOV). Vise Promé Minister tambe a hasi uso di e oportunidat pa pidi Sekretario di Estado pa aprobá ku anualmente ta paga bèk e “bulletleningen” otorgá pa Hulanda na Kòrsou komo parti di e sosten di likides durante e pandemia di Corona, enbes di e suma kompleto na final di e término. Sekretario di Estado a indiká ku Hulanda ta dispuesto pa sigui diskutí riba esaki.
Durante e enkuentro tambe a trata otro tópikonan importante pa loke ta trata relashon i koperashon mutuo entre Hulanda i Kòrsou.
Hidrógeno
A trata e tópiko di un posibel kadena di balor di hidrógeno na Kòrsou. E Akuerdo di Gobernashon di Gabinete Pisas III ta stipulá ku lo desaroyá un maneho di energia integral pa Kòrsou. Tur dos pais ta di akuerdo riba e nesesidat pa konsiderá tantu e desafionan komo e benefisio i konsekuensianan a largo plaso.
BMKB
Sekretario di Estado tambe a trese dilanti e tópiko di Garantia di MKB pa empresarionan (Areglo di BMKB). BMKB ta un programa Hulandes den kua gobièrnu ta garantisá un parti di e krédito ku un banko ta duna na un empresario. Esaki ta yuda prinsipalmente empresarionan chikí i mediano ku no fásilmente ta yega na finansiamentu. Diskushonnan ta andando pa pone e programa akí disponibel pa empresarionan di e paisnan den Reino Hulandes. Ministerio di Desaroyo Ekonómiko lo kordiná mas aleu ku Hulanda pa garantisá e sinergia nesesario pa implementashon efektivo di e instrumento akí.
Seguridat di alimento
Vise Promé Minister tambe a informá e delegashon Hulandes riba e esfuersonan di Kòrsou pa promové siguridat di alimento riba e isla i asina optimalisá kalidat di e sektor di agrikultura. Ademas di proyektonan piloto kaminda ta entrená kunukeronan chikí, un planta di osmosis inverso na Sint Joris i desaroyo di un makutu saludabel (gezondheidsmand), ta poniendo aktualmente e fundeshi pa regulá e sektor. Gabinete Pisas III ta boga pa sigurá ku Kòrsou, komo pais chikí, no ta vulnerabel, pero mas bien bira resiliente.
Finalmente a trata brevemente e puntonan di bista di Kòrsou riba e ‘ongevraagd advies’ di Konseho di Estado na okashon di e di 70 aniversario di e Statüt di Reino Hulandes, e proyekto di “nation-building” di Minister di Asuntunan General ku enfoke riba kombatimentu di pobresa, mehorashon di kondishonnan di bida den bario i envehesimentu di e poblashon.
E reunion entre Sekretario di Estado pa Relashonnan den Reino i Digitalisashon i Konseho di Minister a konta ku presensia di e siguiente representantenan Hulandes: Sekretario di Estado Marum, sr. Roald Lapperre (Direktor General di Relashonnan den Reino), sr. Gerbert Kunst (Representante di Hulanda na Aruba, Kòrsou i Sint-Maarten) i sra. Tjitske (konsehero polítiko). Den e sala di reunion tambe tabata presente sr. Marcus Polman (bosero) i sra. Demy Gosman (kolaboradó di maneho VNG).
Na e reunion a partisipá e siguiente representantenan di Kòrsou: Vise Promé Minister, kende tambe ta Minister di Finansa i Minister di Salubridat Públiko, Medio Ambiente i Naturalesa, sr. Javier Silvania; Minister di Tráfiko, Transporte i Planifikashon Urbano, sr. Charles Cooper; Minister di Enseñansa, Siensia, Kultura i Deporte, sr. Sithree van Heydoorn; Minister di Desaroyo Ekonómiko, sr. Roderick Middelhof; Minister di Maneho di Gobernashon, Planifikashon i Servisio Públiko, sra. Kimberley Lew-Jen-Tai, i tambe Sekretario di Konseho di Minister, sra. Cherise Balentin; Presidente di e Komishon Nashonal di Reforma, sr. Caryl Monte; Konsehero di Minister di Finansa, sr. John de Lannoy i vise sekretario interino di Konseho di Minister, sra. Kristel Hooi.
E bishita a tuma lugá den un ambiente habrí i konstruktivo, kaminda a enfatisá e bon kolaborashon entre Konseho di Minister i Sekretario di Estado.
Algemene Zaken en Minister President
Kennismaking Staatssecretaris Koninkrijksrelaties en Digitalisering met de Raad van Ministers
Geplaatst op 14 08 2025
WILLEMSTAD – Op 14 augustus 2025 heeft de Staatssecretaris Koninkrijksrelaties en Digitalisering, de heer Eddie van Marum, een kennismakingsbezoek afgelegd aan de Raad van Ministers. Het bezoek begon met een bilateraal overleg tussen de Staatssecretaris en de Viceminister-President, de heer Javier Silvania, gevolgd door een gezamenlijke ontmoeting met de overige leden van de Raad van Ministers.
Tijdens de ontmoeting met de Raad van Ministers uitte de Viceminister-President zijn dankbetuiging aan de Staatssecretaris voor de onderlinge samenwerking tussen de twee landen. Deze samenwerking heeft geleid tot het mogelijk maken van belangrijke investeringen door de regering voor Curaçao. Zo worden er thans financiële middelen toegewijd aan lokale trajecten die een enorme positieve impact zullen hebben op de kwaliteit van leven van het volk. In dit kader wordt o.a. genoemd het traject tot verhoging van de Algemene Ouderdomsverzekering (AOV). De Viceminister-President maakt tevens gebruik van de gelegenheid om de Staatssecretaris te verzoeken om de “bulletleningen” die door Nederland verstrekt zijn aan Curaçao in het kader van liquiditeitssteun tijdens de coronapandemie per jaar af te kunnen lossen, in plaats van de volledige hoofdsom aan het einde van de looptijd. De Staatssecretaris geeft aan dat er zijdens Nederland bereidheid is om dit gesprek verder aan te gaan.
Tijdens het kennismakingsgesprek kwamen tevens andere belangrijke thema’s betreffende de onderlinge relatie alsmede de samenwerking tussen Nederland en Curaçao aan de orde.
Waterstof
Ter sprake kwam het onderwerp van een mogelijke waterstofwaardeketen op Curaçao. In het Regeerakkoord van Kabinet Pisas III is opgenomen dat er een geïntegreerd energiebeleid wordt opgesteld voor Curaçao. Beiden landen beamen de noodzaak om zowel de zorgpunten als de voordelen en lange termijn consequenties te overwegen.
BMKB
Daarnaast haalde de Staatssecretaris het onderwerp van de Borgstelling MKB-kredieten (BMKB) aan. De BMKB is een Nederlandse regeling waarbij de overheid een deel van het krediet dat een bank verstrekt aan een ondernemer borg staat. Dit helpt vooral mkb-bedrijven die onvoldoende onderpand hebben om toch financiering te krijgen. Er wordt gesproken over het beschikbaar stellen van deze regeling voor ondernemers in de landen binnen het Nederlands Koninkrijk. De nodige synergie voor een effectieve implementatie van dit instrument zal door het Ministerie van Economische Ontwikkeling verder afgestemd worden met Nederland.
Voedselzekerheid
De Viceminister-President informeert de Nederlandse delegatie tevens over de inspanningen die Curaçao heeft gedaan ter bevordering van de voedselzekerheid op het eiland en het optimaliseren van de kwaliteit van de agrarische sector. Naast pilotprojecten waarbij kleine boeren worden opgeleid, een zogenoemde “reverse osmose” centrale bij Sint Joris, het opstellen van een “makutu saludabel” (gezondheidsmand), wordt thans ook de basis neergelegd voor de regulering van de sector. Het Kabinet streeft ernaar dat Curaçao als klein land niet kwetsbaar is, maar juist veerkrachtig wordt.
Ten slotte wordt kort gesproken over de zienswijze van Curaçao ten aanzien van het ongevraagd advies van de Raad van State ter gelegenheid van het 70-jarig bestaan van het Statuut der Nederlanden, alsmede het zogenoemde “nation building” project van de Minister van Algemene Zaken die betrekking heeft op armoedebestrijding, het verbeteren van de leefomstandigheden in de wijken, maar ook het vergrijzingsproblematiek.
Aan de ontmoeting tussen de Staatssecretaris Koninkrijksrelaties en Digitalisering en de Raad van Ministers namen van Nederlandse zijde deel: Staatssecretaris Marum, dhr. Roald Lapperre (directeur-generaal Koninkrijksrelaties), dhr. Gerbert Kunst (Vertegenwoordiger van Nederland in Aruba, Curaçao en Sint-Maarten), mw. Tjitske Groot (politiek adviseur). Dhr. Marcus Polman (woordvoerder) en mw. Demy Gosman (beleidsmedewerker VNG), waren eveneens aanwezig in de vergaderzaal.
Van Curaçaose zijde namen deel aan het gesprek: de Viceminister-President, tevens Minister van Financiën en Minister van Gezondheid, Milieu en Natuur dhr. Javier Silvania, de Minister van Verkeer, Vervoer en Ruimtelijke Planning dhr. Charles Cooper, de Minister van Onderwijs, Wetenschap, Cultuur en Sport dhr. Sithree van Heydoorn, de Minister van Economische Ontwikkeling dhr. Roderick Middelhof, de Minister van Bestuur, Planning en Dienstverlening mw. Kimberley Lew-Jen-Tai, evenals de secretaris van de Raad van Ministers mw. Cherise Balentin, de voorzitter van de Nationale Hervormingscommissie dhr. Caryl Monte, de adviseur van de Minister van Financien dhr. John de Lannoy en de adjunct-secretaris ad interim van de Raad van Ministers, mw. Kristel Hooi.
Het bezoek vond plaats in een open en constructieve sfeer, waarbij de goede samenwerking tussen Raad van Ministers en de Staatssecretaris onderstreept werd.
