Segundo KAMPEONATO HUBENIL DI DAM AKI NA KORSOU

E direktiva di KLUP DI DAM HUBENIL RAIS ta informá ku e kampeonato hubenil di dam di CARIBE 2025, ku mester a tuma lugá na luna di mart na TRINIDAD & TOBAGO, pero ku pa motibunan di seguridat nashonal di e pais Trinidad mester a keda suspendé ta bai ranka sali aki na Kòrsou di 13 pa 20 ougùstùs.

E kampeonato lo keda hunga den e kategorianan U16 i U12 den un grupo femenino i un grupo maskulino. Pa motibunan fuera di nos alkanse lástimamente 4 pais so, BONAIRE, TRINIDAD & TOBAGO, SURNAM i KORSOU ta logra partisipá na e kampeonato.

DJAWEPS mainta 14 ougùstùs pa 10 or di mainta lo ta apertura di e kampeonato mientras ku 2 or di atardi e promé buèlta lo kuminsá.

E weganan lo tuma lugá den MEETING ROOM di THE TRIANGLE na Hoogstraat 18-22, Otrobanda.