15 di ougùstùs minister di tráfiko transporte i planifikashon urbano ku su kolega Middelhof minister di ekonomia i tambe minister van Heydoorn, minister di enseñansa huntu ku CTB a hasi entrega di 2 tipo di sertifikado.

Kurso nivel A (ta dirigí riba personanan ku awor ta drenta e mundu di transporte públiko.

E persona ku kompletá e kurso aki ta bira hulpchauffeur)

Kurso nivel B (ta dirigí riba personanan ku ta forma parti kabadi e sektor di transporte públiko. Na momentu di kompletá e kurso nivel B e persona ta bira doño di pèrmit/vergunninghouder)

E Tópikonan ku a forma parti di e kuríkulo di e kurso tabata: Servisio di kalidat, étika, turismo resiliente, maneho di konflikto i komunikashon.

Tur e temanan aki ta yuda e shofùr atendé ku tantu nos lokalnan pero tambe nos turistanan na un nivel profeshonal i duna un servisio di kalidat. Taksistanan, shofùrnan di tour bùs i di bùs chikí ta mas ku solamente e persona ku ta transportá e turista di un punta pa otro.

Hopi biaha nan ta manera un guia turístiko dunando tur informashon ku e turista mester sá di nos isla, nan ta sòru pa e turista haña un bon impreshon di nos pais dor di lag’é sera konosí ku e áreanan di mas bunita di nos pais.

E shofùr ta e persona ku mester sòru pa e transporte di un punta pa otro tuma lugá di un manera sigur i yená ku informashon balioso di nos pais. Ku e meta pa e turista regresá bèk òf rekomendá su amistatnan pa bishitá nos destinashon.

Un pabien ta bai na tur ku a kaba nan kurso A òf B ku eksito