Gobièrnu di Kòrsou tin atenshon pa e situashon di seguridat den region
Asuntunan General i Promé Minister
Gobièrnu di Kòrsou tin atenshon pa e situashon di seguridat den region
Publiká riba 20 Ougùstùs 2025
WILLEMSTAD – Djárason 20 di ougùstùs, Konseho di Minister a keda informá tokante e situashon aktual di seguridat. Motibu di e reunion akí tabata e anunsio tokante intensifikashon di e unidatnan merikano den Karibe.
E informashon a keda duná na Konseho di Minister dor di Komandante di Marina Real di Hulanda den Karibe, kòmandùr Walter Hansen, i direktor di Servisio Nashonal di Seguridat (VDC), sr. Jérôme Beeldsnijder. Komo departamento di Reino Hulandes, Ministerio di Defensa ta enkargá ku defensa den Reino, inkluyendo e parti Karibense di Reino.
E motibunan menshoná dor di gobièrnu merikano pa desplegá personal i rekursonan, ta pa intensifiká e operashonnan kontra narkotráfiko. E barkunan envolví den e operashonnan akí pues ta bon biní na Kòrsou pa, manera ta kustumber, abastesé nan suministro, inkluyendo kombustibel. E presensia di unidatnan merikano den nos region ta kuadra ku práktikanan di trabou eksistente entre nos paisnan. E Forward Operating Location (FOL) kaminda Hulanda, Merka i Kòrsou ta kolaborá huntu riba operashonnan kontra narkotráfiko den nos region, ta un ehèmpel di esaki.
E relato na Konseho di Minister a tuma lugá riba petishon di Promé Minister Pisas. Gobièrnu di Kòrsou ta sigui vigilá e situashon, komo ku seguridat di nos pais ta primordial.
Algemene Zaken en Minister President
De regering van Curaçao heeft aandacht voor de veiligheidssituatie in de regio
Geplaatst op 20 08 2025
WILLEMSTAD – Op woensdag 20 augustus is de Raad van Ministers geïnformeerd over de actuele veiligheidssituatie in de regio. De aanleiding voor dit overleg is de aangekondigde intensivering van Amerikaanse eenheden in het Caribisch gebied.
De informatie aan de Raad werd verstrekt door Commandant der Zeemacht in het Caribisch Gebied, commandeur Walter Hansen, en directeur van de Nationale Veiligheidsdienst Curaçao (VDC), Jérôme Beeldsnijder. Defensie is als Koninkrijksdepartement verantwoordelijk voor de verdediging van het Koninkrijk, inclusief het Caribisch deel van het Koninkrijk.
De door de Amerikaanse overheid genoemde reden van inzet van mens en middelen bij deze intensivering is drugsbestrijding. De schepen die betrokken zijn bij de genoemde operaties zijn derhalve welkom om in Curaçao, zoals te doen gebruikelijk, te bevoorraden op onder andere brandstof. Dat er Amerikaanse eenheden in onze regio zijn, past in de bestaande werkpraktijken tussen onze landen. De FOL (Forward Operating Location) waarin Nederland, Amerika en Curaçao samenwerken aan drugsbestrijding in onze regio, is daar een voorbeeld van.
De briefing aan de Raad van Ministers vond plaats op verzoek van Minister President Pisas. De Regering van Curaçao blijft de situatie monitoren, omdat de veiligheid van ons land centraal staat.
