KUERPO POLISIAL KÒRSOU 

 

KOMUNIKADO DI PRENSA

327/2025

21 ougùstùs 2025 

Kaso di atrako ku morto 

Djarason 20 di ougùstùs 2025 alrededor di 21.44’or, Sentral di polis a risibí informashon di un kaso di atrako ku a tuma lugá na un kompleho di  

apartamento riba Caracasbaaiweg i ku tin un persona gravemente heridá. Inmediatamente diferente unidat a keda dirigí na e sitio. 

For di investigashon preliminar a sali na kla ku dos hòmber a presentá na e  adrès ku intenshon di tira atrako. 

Na e direkshon ei tabatin un agente polisial na sivil, ku na momentu di a bai  investigá mas leu, a bin topa ku e dos hòmbernan biniendo den su direkshon, indikando ku aki ta trata di un atrako. 

Mesora e agente a hasi uso di su arma reglamentario i a lòs tiru dirigí riba e  sospechosonan, ku a alkansá un di nan. 

E otro sospechoso a hui for di e sitio. 

Na yegada di personal di ambulans, no por a hasi nada mas pa e hòmber ku a  risibí bala i dòkter di polis mas lat a konstatá morto. 

Polis a konfiská algun kashi di bala i parti di un arma di kandela pa mas  investigashon. 

Riba òrdu di fiskal di Ministerio Públiko a konfiská e kurpa sin bida pa mas  investigashon.