PROPOSISHON PA POSIBEL SOLUSHON PA MINIMALISÁ MEDIA SOSIAL DEN SKOL NAN.

Ishahier Monte

PROPOSISHON PA POSIBEL SOLUSHON PA MINIMALISÁ MEDIA SOSIAL DEN SKOL NAN.
Komo parlamentario sr. Monte ku tin e responsabilidat di trabou a bishita Parlatino ku ta un reunion por sierto ku definitivamente ta balioso i ta bale la pena duna realse i rekonose.
Parlamentario sr. Monte riba dia 06 di ougustus 2025 pa 08 ougustus 2025, komo miembro di Parlatino pa e komishon di igualdad di genero, adolesente i hubentud a trata tema di interes komun pa loke ta trata sentro Amerika i Caribe.
Parlamentario sr. Monte un biaha mas ta bolbe enfatisa ku nos ubikashon den Karibe, no mag di wordu neglisha, komo Pais outonomo den Reino, ku ta forma parti di Reino Ulandes ku ta ubika den Karibe ta sumante importante pa nos sigui mantene e bon laso i relashon riba tur nivel ku nos ruman nan bisina i pais nan den bisindario.
Parlamentario sr. Monte a indika ku e komishon den igualdad di genero, adolesente i hubentud, ku e tambe ta forma parti di dje a trata e siguiente tema
1. E lei Marco
2. Analisa e lei modelo di embraso hubenil
3. Derechi di hubentud den Amerika latina i Caribe
Alabes parlamentario sr. Monte a duna di konose di huntu ku otro koleganan di otro paisnan a debate riba diferente punto ku a kapta atenshon ,un di e ehempel ta,
“ E influhensia riba media sosial “ internet” den klas durante orario di duna les ku ta stroba e focus i atenshon di e alumno.
Simplemente instala Scramblers na skol a duna hopi bon resultado.
Scrambler un aparato pa blokia e uso di internet, durante e orario nan ku dosente ta duna les na studiante nan i asina garantisa ku e konsentrashon pa risibi edukashon i formashon ta e prioridat ekslusivamente durante les.
Parlamentario sr. Monte ta para ketu riba e sifranan di CBS ku a indika ku hopi mucha/hoben tin bastante problema nan sosio ekonomiko un di e punto nan ku ta stroba nos mucha i hobennan kumpli ku nan responsabilidat di formashon i edukashon ta e tendensia nobo di uso di media sosial durante orario di skol a pasa tur limite.
Komo parlamentario sr. Monte ta indika ku ta su deber i obligashon pa hasi tur e tramitenan nesesario pa den komishon figo di SOAW i OWCS kombersa ku otro kolega nan pa debati riba punto nan di atenshon ku a bin dilanti na parlatino ku ta di suma importansha pa revisa leinan eksistente pa garantisa kual ta e miho forma pa sigui proteha i kuida nos mucha i hubentud ku lei nan eksistente di vigente di Pais Korsou.
Parlamentario sr. Monte despues di hana oido den komishon figo su intenshon ta pa aserka minister di SOAW sra. America, di OWCS minister van Heydoorn i e parlamentario nan kolega ku ta forma parti di e komishon enkuestion.
Finalmente Parlamentario sr. Monte ta hana ta importante pa hasi investigashon, tuma informashon di maneho di gobiernu di Gabinette Pisas III pa asina yega na palabrashon nan konkreto.