Bishita promé dia eskolar 2025/2026 – Eerste schooldag van het schooljaar 2025/2026

WILLEMSTAD –Ministerio di Enseñansa, Siensia, Kultura i Deporte (ESKD) i Minister  sr. Sithree van Heydoorn a hasi bishita e aña aki na dos skol spesial riba promé dia eskolar. Pa mustra ku tur alumno su desaroyo ta importante i esensial a skohé e aña aki pa bishitá skolnan e aña eskolar. A bishitá e skol Manuel Carel Piar ku ta un skol di fundeshi spesial i e skol spesial avansá sekundario Marieta Alberto. Durante di e bishita a dialogá i kombersá ku direktiva di e skol i alumnonan kaminda a para ketu na edukashon, formashon i enseñansa.

 Na e skol di fundeshi spesial Manuel Carel Piar, minister i e delegashon a tene komberashon hopi interesante ku direktor i alumnonan. E skol spesial aki ta kaminda ta pone énfasis na e alumno i traha ku den pas i harmonia  tin mas o ménos 56 alumno di e edat di 4 pa 15 aña. E skol ta pone enfasis na enseñansa pero ta forma i guia e alumno pa stima naturalesa, empatia pa kuido di animal, sosten den formashon finansiero kaminda na manera simpel ta stimulá sparmentu i tambe formashon kulinario. Pa yuda e alumno su formashon tur mainta e alumnonan bou di guia ta prepará yerba pa tur hende ku ke bebe, a la bes nan ta prepará desayuno pa e alumno ku no tin i ta mustra riba e echo ku nos ta kuida otro. Pa ku e parti di formashon finansiero ta yuda stimulá e hóben pa spar di formanan masha kreativo i tambe nan ta enfoká riba plantamentu i kuido di bestia. Direktor di e skol a trese diferente punto importante dilanti den kuadro di informashon relashoná ku skolnan speshal. Minister i representantenan di ministerio a haña e puntonan aki hopi bon i a tuma nan na serio pa  sigui traha na bienestar di e alumno i nan mayor.   

Na skol spesial avansá sekundario Marieta Alberto, maestro i alumnonan a risibí minister i e delegashon den un ambiente hopi sosial i ameno. Tur alumno a saludá i yamam minister bon bini for di entrada na porta. Despues minister a reuní ku direktiva di e skol i dos alumno bou di guia a sirbi minister i e delegashon.  Durante di e reunion a para ketu na e guia ku e alumnonan ta haña i ku despues ku nan kaba mester sigui haña guia pero ku mester traha riba esaki. E parti aki tambe ta bai haña atenshon di ministerio. Na e skol aki ta traha ku hóbennan di edat di 16 te ku 24 aña i aktualmente nan tin un total di mas o ménos 60 alumno. Despues minister a hasi un rekorido i pasa den tur e gruponan kaminda alumnonan a tene presentashon chikí i òf a kombersá ku minister i e delegashon.  

 Ministerio di ESKD por mira bèk riba un bishita eksitoso i a la bes ta deseá tur alumno,  maestro, dosente, personal atministrativo, personal no-dosente, i mayor éksito den e aña eskolar aki. E bishita aki ta mustra riba e echo ku inklushon ta importante i tur mucha tin atenshon di e ministerio pa sigui traha na desaroyo di nos muchanan. 

 

---

 

WILLEMSTAD – Het Ministerie van Onderwijs, Wetenschap, Cultuur en Sport (OWCS) en minister sr. Sithree van Heydoorn hebben dit jaar in de ochtenduren twee speciale scholen bezocht. Door op de eerste schooldag van het nieuwe schooljaar aandacht te besteden aan deze instellingen, wordt het belang van de ontwikkeling van alle leerlingen onderstreept. De bezochte scholen waren de Manuel Carel Piar-school, een school voor speciaal funderend onderwijs, en de Marieta Alberto, een instelling voor speciaal voortgezet onderwijs.

 Op Manuel Carel Piar had de delegatie samen met de directeur een goed gesprek met het schoolhoofd en de leerlingen. Deze speciale school, met 56 leerlingen tussen 4 en 15 jaar, legt de nadruk op educatie, natuurbeleving, dierenverzorging, financiële begeleiding en eenvoudige spaarmethoden, en biedt daarnaast bereiding van eenvoudig gerechten . Elke ochtend bereiden de leerlingen onder begeleiding kruidenthee en ontbijt voor wie dat nodig heeft. Creatieve besparingslessen en aandacht voor planten- en dierenverzorging zijn ook onderdeel van het programma. De directeur besprak belangrijke punten over speciaal onderwijs; de minister en zijn team waardeerden deze input en gaan samen aan de slag voor het welzijn van leerlingen en ouders. 

Op de voortgezet speciale school Marieta Alberto Special werden de minister en de delegatie ontvangen door leraren en leerlingen. Leerlingen begroetten de minister bij de ingang. Daarna voerde de minister gesprekken met de schoolleiding en enkele leerlingen. Tijdens deze bijeenkomst werd aandacht besteed aan de begeleiding die leerlingen ontvangen, evenals de noodzaak van begeleiding na het afronden van hun opleiding. De minister gaf aan hier aandacht aan te besteden. De school begeleidt jongeren tussen de 16 en 24 jaar en heeft momenteel ongeveer 60 leerlingen. Vervolgens kreeg de minister een rondleiding door de school en bezocht alle groepen. Leerlingen gaven korte presentaties of spraken met de minister en de delegatie. 

Het Ministerie van OWCS beschouwt het recente bezoek als geslaagd en wenst alle leerlingen, leerkrachten, administratief- en niet-onderwijzend personeel veel succes toe in het komende schooljaar. Dit bezoek benadrukt het belang van inclusie en de voortdurende inzet van het ministerie voor de ontwikkeling van kinderen.