BONEIRU TA RABIA!!!
Ta un dolor profundo pa nos Boneriano nan mira ku mes gobernante no ta hanja nesesario pa dirigi su pueblo riba Dia di Boneiru. E selebrashon ku mester uni nos tur i fortalesé nos patriotismo a wordu skuif pa un dia promé, ku motibu ku tin “muchu solo.” Es mas a tuma un desishon ku nunka bisto: subi bandera di nos nashon na 12’or di anochi, ora ku tur nos muchanan ta drumi, e sperensa di nos komunidat.
E tipo di akto ta kita pueblo for di proseso, ta bira burla protokolar sin e esensia di patriotismo i union. Día di Boneiru no ta un mero formalidat; e ta un momentu pa stimula partisipashon, pa uni generashon ku ta krese, pa rekordá nos historia i pa fortalesé nos futuro.
Laga nos spera ku nos gobernante ta reflehá riba e desishon aki i ta rekonosé ku patriotismo no por wordu impone den skuridat di madruga, sino ku e mester bria den lus di dia, huntu ku pueblo ku ta sinti orguyo di ta Boneriano.
Un selebrashon di Día di Boneiru sin aseptashon di pueblo ta, berdaderamente, un bergüensa.