PREPARASHONNAN TA KONTINUÁ PA NOS SELEKSHON NASHONAL SU PROMÉ KOMPROMISONAN PA E KUALIFIKASHON DI MUNDIAL DI FIFA! NOS HUNGADÓNAN DEFINITIVO TA KONOSÍ!
PREPARASHONNAN TA KONTINUÁ PA NOS SELEKSHON NASHONAL SU PROMÉ KOMPROMISONAN PA E KUALIFIKASHON DI MUNDIAL DI FIFA!
NOS HUNGADÓNAN DEFINITIVO TA KONOSÍ!
Tiki tiki pero sigur e dianan ta aserkando i nos selekshon nashonal lo tin su promé partidonan di kualifikashon pa Mundial di FIFA. Durante nos promé enkuentro nos lo enfrentá Trinidad & Tobago na Trinidad dia 5 sèptèmber binidero pa despues biaha pa Kòrsou dia 6 di sèptèmber pa topa Bermuda djamars 9 di sèptèmber próksimo. E partido aki lo tuma lugá den Stadion Ergilio Hato pa 8’or di anochi.
Despues ku nos ‘bondscoach’ sr. Dick Advocaat i su staf tékniko a presentá via e lista di hungadónan ku ta forma parti di nos selekshon, awor nos ta publiká e 22 hungadónan definitivo ku lo representá Kòrsou durante nos próksimo kompromisnan.
E siguiente hungadónan lo forma parti di e selekshon pa e partidonan dia 5 ku 9 di sèptèmber 2025;
- Eloy Room
- Trevor Doornbusch
- Leandro Merencia
- Roshon van Eijma
- Sherel Floranus
- Juriën Gaari
- Shurandy Sambo
- Riechedly Bazoer
- Jurich Carolina
- Juninho Bacuna
- Leandro Bacuna
- Kevin Felida
- Godfried Roemeratoe
- Tahith Chong
- Arjani Martha
- Livano Comenencia
- Jeremy Antonisse
- Joshua Zimmerman
- Jearl Margaritha
- Jurgen Locadia
- Gervane Kastaneer
- Tyrese Noslin
Ayera 16 di e hungadónan aki a yega Trinidad & Tobago miéntras Eloy Room, Trevor Doornbusch, Sherel Floranus, Shurandy Sambo, Jurich Carolina i Gervane Kastaneer lo yega awe durante dia.
Pa e wega di dia 9 di sèptembèr kontra Bermuda na Kòrsou, tambe tin diferente sekshon tantu general komo VIP, kada un ku nan preis i nan entrada.
Ya e karchinan pa e partido aki ta na benta na FFK bou di ora di ofisina, pòmp di gasolin Sta Maria, Ticket Point, Botika Mampuritu i Mensing’s Caminada.
Buska bo karchi trempan pa bo bin apoyá nos selekshon nashonal i sigui nos páginan di medianan sosial pa mas informashon.
Preparashonnan ta kontinuá den gran forma pa nos selekshon su próksimo partidonan, nos selekshon ta konta ku bo!
1 sèptèmber 2025