Yamada Serio pa Kumplimentu ku Reglanan Ekonómiko / Serieuze oproep tot naleving van economische regelgeving

Willemstad, Minister di Desaroyo Ekonómiko, drs. Roderick Middelhof, a tene un reunion ekstraordinario ku Inspekshon Ekonómiko di Kòrsou, representá pa su hefe, sr. Ronny Cornelis. Durante e reunion a keda indiká ku tin un kantidat konsiderabel di negoshinan ku ta operá sin un pèrmit adekuá òf sin ningun tipo di pèrmit.

Pa medio di e komunikado aki, Minister Middelhof i Inspekshon Ekonómiko ke informá komunidat ku tur persona òf empresa ku ke realisá aktividatnan ekonómiko òf komersial na Kòrsou ta obligá pa disponé di un pèrmit bálido ku ta korespondé ku e tipo di aktividat ku lo wòrdu realisá.

Inspekshon Ekonómiko lo tuma medidanan estrikto i lo aktua dirigí pa para tur hasimentu di negoshi ku no ta tuma lugá segun regla. Operashon ilegal lo wòrdu suspendé de inmediato, ku posibel sanshon legal.

Ministerio di Desaroyo Ekonómiko ta hasi un yamada serio na tur empresario i persona ku tin plan pa habri un negoshi pa buska informashon tokante e pèrmitnan nesesario promé ku kuminsá.
Por hasi esaki via e página https://loketdigital.gobiernu.cw, via infovergunningenloket@gobiernu.cw, òf telefónikamente via +599 9 433-3123 / +599 9 433-3127 (WhatsApp). Aparte di esaki bo por bishitá Lokèt di Pèrmit situá na Saliña 127, Unit 3-16 Eurobuilding, di djaluna pa djaweps entre 8’or di mainta pa 3’or di atardi i riba djabièrnè entre 8’or di mainta pa 12’or di mèrdia.

Petishonnan por wòrdu entregá via https://loketdigital.gobiernu.cw, via mail òf na Ofisina di Lokèt di Pèrmit.

Minister Middelhof a enfatisá: “Nos lo mantené un maneho disero toleransia. Pa e motibu ei, na tur momentu i den tur situashon, nos ta konta ku tur hende pa mantené nan mes den regla.”

Willemstad – Minister van Economische Ontwikkeling, drs. Roderick Middelhof, heeft een buitengewone vergadering gehouden met de Economische Inspectie van Curaçao, vertegenwoordigd door het hoofd, de heer Ronny Cornelis. Tijdens deze vergadering werd vastgesteld dat een aanzienlijk aantal ondernemingen opereert zonder de vereiste vergunningen of zelfs geheel zonder vergunning.

Met dit bericht willen minister Middelhof en de Economische Inspectie de gemeenschap informeren dat iedere persoon of onderneming die economische of commerciële activiteiten op Curaçao wil verrichten, verplicht is te beschikken over een geldige vergunning die overeenkomt met de aard van de activiteit.

De Economische Inspectie zal strikte maatregelen nemen en optreden om alle bedrijfsactiviteiten die niet volgens de regels plaatsvinden te beëindigen. Illegale operaties zullen onmiddellijk worden stopgezet, met mogelijke juridische sancties tot gevolg.

Het Ministerie van Economische Ontwikkeling doet een serieuze oproep aan alle ondernemers en personen die van plan zijn een bedrijf te starten om vooraf informatie in te winnen over de vereiste vergunningen.
Dit kan via de website https://loketdigital.gobiernu.cw, per e-mail via infovergunningenloket@gobiernu.cw, of telefonisch via +599 9 433-3123 / +599 9 433-3127 (WhatsApp). Daarnaast kunt u ook het Vergunningenloket bezoeken aan de Saliña 127, Unit 3-16 Eurobuilding, van maandag t/m donderdag tussen 08.00 en 15.00 uur en op vrijdag tussen 08.00 en 12.00 uur.

Aanvragen kunnen worden ingediend via https://loketdigital.gobiernu.cw, per e-mail of rechtstreeks bij het Vergunningenloket.

Minister Middelhof benadrukte: “Wij zullen een beleid van nul tolerantie hanteren. Daarom rekenen wij er in alle situaties op dat iedereen zich aan de regels houdt.”