Asosiashon di Magrid i Universidat di Kòrsou
Nos di KIKO TA PASANDO page ta ofrese bo e oportunidat pa hasi Cross Promoting serka nos pa un fee hopi abou.
Loke bo mester hasi ta manda bo FaceBook link i nos promove esaki serka nos ku ta duna bo e chens ku nos followersnan ta bira bo followers. Kemen bo ta haña exposure pa bo item i plus haña mas followers.
Djis manda nos via email bo Facebook post link na kikotapasando@outlook.com
Risibi e atenshon ku bo ta desea pa bo item i risibi mas followers, kiko bo ta warda pa promove bo item serka nos?
Enseñansa, Siensia, Kultura & Deporte
Asosiashon di Magrid i Universidat di Kòrsou
Publiká riba 03 Sèptèmber 2025
Universidat di Kòrsou & Magrid: Asosiashon Stratégiko i Lansamentu di e Siguiente Fase di Kolaborashon
WILLEMSTAD – Ku orguyo Universidat di Kòrsou i Magrid ta anunsiá un ‘partnership’ stratégiko nobo, markando inisio di un siguiente fase di kolaborashon pa fortalesé inovashon i investigashon den enseñansa. Representantenan di Magrid a bishita Universidat di Curaçao i a tene un kombersashon fruktífero cu Presidente di Universidat Sra. Stella van Rijn, koleganan di e universidat, i Sr. Richard Delfina, representante di kabinèt di Minister. Durante e enkuentro aki, Magrid a presentá e resultadonan di e programa piloto di seis luna na Kòrsou, inkluyendo tantu resultadonan di investigashon kuantitativo komo kualitativo. Un rapòrt di investigashon amplio a keda presentá ofisialmente na e universidat.
Despues di e presentashon aki, tur dos partido a bai di akuerdo pa kolaborá formalmente komo parti di implementashon di Fase 2 di Magrid na Kòrsou. E asosiashon pa yega na un akuerdo aki ta inkluí:
- Oumentá e envolvimentu di e universidat den e implementashon di Fase 2.
- Kolaborá ku studiantenan di pedagogia i programanan relashoná ku entrenamentu i tayernan dirigí.
- Duna entrenamentu spesialisá riba étika i implementashon di teknologia na skolnan.
- Establesé asosiashonnan di investigashon, inkluyendo investigashon riba e impakto a largu plaso.
- Establesé un komishon di maneho pa kolaborashon pa desaroyá inisiativanan nobo ku ta probechá di e eksperensia internashonal di Magrid ku desaroyonan teknológiko, spin-offnan di universidat, i otro áreanan stratégiko di enfoke pa e universidat.
- Promové inisiativanan di eksportashon di konosementu.
- Kolaborá pa establesé un Sentro pa Ekselensia.
- Desaroyá estudionan di kaso (casestudy’s) pa dokumentá i kompartí mihó práktikanan (best practices).
Den e Fakultat di Arte (Algemene Faculteit), e asosiashon aki ta aliñá estrechamentu ku e programa di formashon di maestro di LOFO i otro inisiativanan pedagógiko. Studiante- i dosentenan por partisipá aktivamente ku Magrid a traves di aktividatnan inkorporá den kuríkulo, stazje i proyektonan di investigashon. E kolaborashon aki ta fortalesé práktika basá riba datos konkreto den formashon di maestro i ta kontribuí na profeshonalisashon di e forsa laboral di enseñansa na Kòrsou i den region. Komo un inisiativa basá riba investigashon i impulsá pa uzo di datos, Magrid ta pone eksaktitut sientífiko sentral den nan trabou. E asosiashon ku Universidat di Kòrsou ta enfatisá un kompromiso kompartí pa fomentá inovashon den enseñansa, stimulá interkambio di konosementu, i konstruí kapasidat sostenibel na Kòrsou.
—
KOMUNIKASHON
___________________________________________________________________________________
*Tokante Magrid: Magrid ta un solushon edukativo ku a gana premio, basá riba investigashon, diseñá pa mehorá siñamentu fundamental den matemátika, abilidatnan espasial i desaroyo kognitivo a traves di enfokenan inklusivo i inovativo.
**Tokante Universidat di Kòrsou: Universidat di Kòrsou ta e institushon lider di enseñansa superior riba e isla, komprometé na ekselensia den enseñansa, investigashon, i kompromiso ku komunidat. Universidat ta boga pa kontribuí na desaroyo duradero di Kòrsou dor di fomentá konosementu, inovashon, i kolaborashon internashonal.
UoC & Magrid
