KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNU

Simulashon i entrenamentu pa espasio aéreo (aviashon) / Simulatie en training voor het luchtruim (luchtvaart)

Asuntunan General i Promé Minister

 

Simulashon i entrenamentu pa espasio aéreo (aviashon)

Publiká riba 04 Sèptèmber 2025

Willemstad – Gobièrnu di Kòrsou ta kontinuá ku preparashon pa tur tipo di krísis i desaster. Un aksidente aéreo tambe ta un di e menasanan identifiká den nos perfil di riesgo. Apesar ku e chèns pa un aksidente aéreo ta hopi chikí, tòg ta importante pa ta prepará pa esaki.

Konforme lei di krísis i kalamidat, pero tambe pa kumpli ku reglanan internashonal di aviashon, Curaçao Airport Partners (CAP) ta organisá djasabra, 6 di sèptèmber 2025, un simulashon di un aksidente ku avion. E treinen aki lo ta den koopershon i koordinashon ku tim di krísis di Kòrsou: Crisisbeheersing & Rampenbestrijdingsorganisatie (CRBo). Esaki mirando ku den kaso di un insidente di tal índole, e probabilidat ta grandi ku lo aktivá e tim aki pa yuda ku koordinashon i pa tene nos pais ‘safe’.

Pa por praktiká mas realístiko posibel, a opta pa hasi e entrenamentu den forma di un simulashon. Mirando e importansia di operashon di nos aeropuerto i pa minimalisá konsekuensianan pa ku operashon diario na Hato, a kuminsá basta luna pasá ku e preparashonnan pa e simulashon aki.
Tim di krísis a tuma nota di un video ku ta bai rònt via di medionan sosial ku ta alegá ku e simulashon ariba menshoná ta den kuadro di tenshonnan di último tempu den nos region. Apesar ku e informashon den e video no ta kuadra i tampoko no por konfirmá e outentisidat di orígen di e video aki, Sr. Lesley Fer komo koordinador di krísis di Kòrsou i tambe e outoridat responsabel pa e tim di krísis, ke pidi pueblo pa keda trankil i sigui kanalnan ofisial di Gobièrnu. Tambe sr. Fer ta hasi un apelashon pa no “share” informashonnan ku no sali di fuentenan ofisial. Informashonnan eróneo ta krea mas pániko innesesario i no ta kontribuí na nada sano pa nos pais.

E simulashon na aeropuerto di djasabra awor ta unu pa kumpli ku leinan lokal i tratadonan internashonal den aviashon. Esaki no ta kita si for di e importansia pa kada siudadano ta bon informá i tambe prepará pa tur situashon di krísis òf desaster ku por presentá.

Tim di krisis di Kòrsou CRBo ta sigui praktiká den afan pa protehá nos komunidat. Alabes kier rekordá komunidat ku ainda nos ta den temporada di orkan te ku 30 di novèmber. Algun tep balioso ta pa sòru pa bo tin bo pakete di emergensia (awa, remedi, sèn kèsh, kuminda na bleki, papel higiéniko, radio transistor ku bateria, flèshlait, èts), praktiká un plan di emergensia ku famia i yuda otro kaminda por.

Laga nos tur ta mihó prepará.

 


 

Algemene Zaken en Minister President

 

Simulatie en training voor het luchtruim (luchtvaart)

Geplaatst op 04 09 2025

Willemstad – De regering van Curaçao blijft zich voorbereiden op mogelijke crisis- en rampsituaties. Een vliegtuigongeluk valt onder een van deze risico’s. Ondanks dat de kans op een vliegtuigongeluk zeer klein is, blijft het belangrijk om hier op voorbereid te zijn.

Conform de wet van crisis- en rampenbestrijding en om te voldoen aan internationale luchtvaartregels, organiseert Curaçao Airport Partners (CAP) op zaterdag 6 september 2025 een simulatie van een vliegtuigongeluk. Dit wordt georganiseerd in samenwerking en samenspraak met het crisisteam van Curaçao, de Crisisbeheersings- & Rampenbestrijdingsorganisatie (CRBo). De samenwerking is bewust opgezet, omdat bij een incident van deze aard, naar alle waarschijnlijkheid het crisisteam geactiveerd zal worden ter ondersteuning en om Curaçao veilig te houden.

De simulatietraining wordt op een realistische manier uitgevoerd om zo goed mogelijk te kunnen oefenen. De voorbereidingen voor de training zijn al enkele maanden geleden begonnen. Dit om de gevolgen van de operaties op Hato te minimaliseren en zodat het werk op de luchthaven zonder hinder kan voortzetten.

Het crisisteam heeft geconstateerd dat er een video circuleert op sociale media, waarin wordt gespeculeerd dat deze simulatietraining te maken heeft met recente spanningen in onze regio. Deze video is onjuist en de herkomst ervan is ook niet bekend. De coördinator van crisisbeheersing Curaçao, de heer Lesley Fer wil als verantwoordelijke van het crisisteam de bevolking vragen kalm te blijven en de officiële communicatiekanalen van de overheid te blijven volgen. Tevens doet de heer Fer een beroep aan de bevolking om geen informatie te delen die niet afkomstig is van officiële bronnen. Onjuiste informatie veroorzaakt onnodige paniek en draagt op geen enkele positieve manier bij aan onze samenleving. Het is belangrijk dat iedere burger goed geïnformeerd en voorbereid is op een mogelijke crisis of ramp.

Het crisisteam blijft oefenen om het eiland te beschermen. Een herinnering dat wij ons momenteel nog steeds in het orkaanseizoen tot 30 november. Enkele waardevolle tips zijn: zorg dat je een noodpakket hebt (water, medicijnen, contant geld, houdbaar voedsel, handdoek, radio met batterijen, zaklamp enz). Probeer samen met je familie te oefenen met een noodplan en help anderen in je omgeving en buurt.

Laten we allemaal goed voorbereid zijn.

639114718427035"
639114718427035"