KUERPO POLISIAL KÒRSOU 

 

KOMUNIKADO DI PRENSA

340/2025

5 sèptèmber 2025 

Polis i Politur a detené duo pa ladronisia di piesa di outo 

Relashoná ku investigashon den un kaso tokante di ladronisia di piesa di outo  riba 29 di mart i 22 di yüli 2025 na playa di Daaibooi i Kontiki Beach, polis i  Politur a hasi dos detenshon. 

Djabièrnè 5 di sèptèmber 2025, e tim ku ta investigá ladronisia di vehíkulo a  bai na un adrès den Amerikaweg i a konfiská un vehíkulo. 

Mas lat, alrededor di 09.40’or, personal di Politur i un unidat di warda di polis  di Punda a señalá un sospechoso den e kaso aki den un vehíkulo na e krusada  Sittardstraat i Penstraat. 

Mesora a detené e hòmber K.G. di 20 aña di edat i e dama C.A.A.P. di 23 aña  di edat, ámbos nasé na Kòrsou. 

A presentá e sospechosonan dilanti di un fiskal ouksiliar ku a ordená nan  enklarselamentu pendiente di mas investigashon.