Parlamento di Kòrsou Parlamento di Kòrsou a sera Aña Legislativo 2024–2025

Parlamento di Kòrsou

Parlamento di Kòrsou a sera Aña Legislativo 2024–2025
Djaluna 8 di sèptèmber 2025, Parlamento di Kòrsou a bini huntu den un Reunion Públiko pa marká e klousura di aña parlamentario 2024–2025.
Durante e reunion, Presidente di Parlamento, sr. Fergino Brownbill, a guia e tres puntonan di agènda:
Tratamentu di dokumentonan ku a drenta den Parlamento;
Proposishon pa instalá e komishon temporal “Tijdelijke Commissie Huisvesting Staten”, ku a keda aprobá pa tur miembronan;
Klousura formal di aña legislativo 2024–2025.
Pa promé biaha, Presidente Brownbill a duna oportunidat na tur lider di frakshon pa hiba palabra na okashon di klousura. Lider di frakshonnan a reflehá riba e aña 2024 -2025 i duna nan vishon pa e periodo nobo.
Na final, Presidente Brownbill mes a duna un resúmen di su eksperensia pa ku e aña 2024–2025 komo miembro i Presidente di Parlamento.