Tres polis a bay El Salvador pa curso di crimen organisa
Tres polis a bay El Salvador pa curso di crimen organisa
ORANJESTAD – Nos ta duna prioridad na e desaroyo y fortalecimento di nos conocemento professional como parti di nos strategia di Cuerpo Policial Aruba.
Ademas nos ta continuamente traha pa mehora, construi y fortalece nos rednan y relacionnan. Nos ta presente tanto regional como internacionalmente y nos ta inverti den conocemento y cooperacion pa cu nos stakeholders.
Siman pasa, 3 agente policial di Cuerpo Policial Aruba a sigui un curso di 1 siman na El Salvador. Varios
Cuerpo den e region Caribense y paisnan Sur Americano a participa na e curso aki, cu a enfoca riba
investigacionnan den crimen organisa.
Despues di bon experencia anterior cu e International Law Enforcement Academy (ILEA) na El Salvador,
Cuerpo Policial Aruba ta mira bek riba un bon cooperacion, educacion, networking nobo y conocimento
inspirador.
Door di bon cooperacion cu otro, nos lo bira mas efectivo den combati criminalidad y asina mantene Aruba sigur!
