E exposicion aki ta consisti di potret di varios fotografo di Aruba cu a recore Aruba completo y saca potretnan di diferente monument di Aruba.

Prome Minister mr. Mike Eman, hunto cu Directora di Monumenten Fonds, Anne Witsenburg, a corta cinta pa oficialmente haci apertura di e exposicion. E potretnan aki ta duna un impresion di Aruba su herencia, su casnan, colornan vibrante, e diferente elementonan, patronchi y arkitectura autentico.

Locual a resalta di e exposicion aki ta e bunitesa di nos isla, e creatividad pa crea structuranan cu ta refleha e autenticidad di nos hendenan, pero tambe e vision di e fotografonan cu a sa di capta e imagennan aki for di diferente perspectiva y hunto crea e exposicion unico aki.