Dia di Bándabou 2025  “Gancha Bin Pabou”

Willemstad, 18 sèptèmber 2025 – Kòrsou den Pabou ta anunsiá ku orguyo e selebrashon di Dia di Bándabou 2026, ku ta tuma lugá dia 5 di òktober 2025, riba Kaminda Prospero Rojer (Barber). E tema pa e di dos edishon aki ta “Gancha Bin Pabou”, ku ta para pa union, partisipashon i orguyo lokal/kultural. Manera ta kustumber, e organisashon Kòrsou den Pabou ta para firme pa promové desaroyo sosial kultural den e zona di Bándabou. E selebrashon ta un plataforma pa ekspreshon kreativo, Kultural, fortalesa di nos identidat i pa stimula komunidat pa traha huntu.

E evento lo kuminsá for di 10’or di mainta, ku un programashon variá ku ta inkluí:

• Stentnan di bokadushi, kuminda tradishonal, kos di bebe i produkto lokal.
• Artesania i eksposhon kreativo di talento lokal.
• Presentashon di grupo di baile, tipiko, kaha di orgel, i ekspreshon musikal.

Nos ta invitá rònt Kòrsou pa bin sostené e selebrashon, disfruta i kontribuí na e energia positivo, alabes klousurá siman di kultura 2025 na Bándabou kaminda union, kultura i tradishon ta brota.