“A Dream” Gran Final di Miss Teen Curaçao International 2026

“A Dream” Gran Final di Miss Teen Curaçao International 2026

 

WILLEMSTAD – Djasabra, 30 di mei 2026, a tuma lugá e gran final di Miss Teen Curaçao International 2026, un evento organisá pa Curaçao International Crowned Queens ku a karga e tema “A Dream”.

 

Den un ambiente elegante na Curaçao Marriott Beach Resort, e magno evento a kuminsá ku un apertura espektakular. Un anochi guiá pa direktor Gionel Virginie e anochi a reuni famia, amigunan, patrosinadó, representantenan di prensa i amante di sertamennan di beyesa den un selebrashon di talento, liderasko i empoderashon di hóbenan.

 

Durante e kompetensia, e kandidatanan a presentá nan mes den diferente segmento di evaluashon, demostrando nan personalidad, presensia eséniko, talento, inteligensia mas ku klaro beyesa i kompromiso ku nan komunidat.

 

Un di e aspektonan mas sobresaliente di e edishon di e aña aki tabata e komponente sosial. Curaçao International Crowned Queens a brinda na kada kandidata e oportunidat pa selektá un fundashon i desaroyá un proyekto sosial ku benefisio pa e komunidat di Kòrsou. E inisiativa aki a pone enfásis riba responsabilidat sosial, liderasko i empoderashon di hóbenan.

 

Despues di diferente ronda di evaluashon dor di un kuerpo di hurado profeshonal ku tabata konsistí di ekspertonan lokal i internashonal, e siguiente premiashonnan spesial a ser otorgá:

 

Premiashonnan Spesial

 

* Miss Discipline: Quiviona Martis

* Miss Fotogenika: Quiviona Martis

* Miss Dinámiko: Bryonha Scope Isenia

* Miss Internet: Charayneli Sint Jacoba

* Most Beautiful Story: Shekinah Maria Catalina

* Miss Inspiring Growth: Shekinah Maria Catalina

* Miss Amistad: Quiviona Martis

* Miss Top Model: Soline de Jongh

* Miss Elegansia: Tashyana Overkempe

 

Resultado di Proyekto Sosial

 

* Winner Best Project: Charayneli Sint Jacoba

* 1st Runner-Up Best Project: Bryonha Scope Isenia

* 2nd Runner-Up Best Project: Quiviona Martis

 

Resultado Final

 

* 3er Finalista Miss Teen Curaçao International 2026: Shekinah Maria Catalina

* 2do Finalista Miss Teen Curaçao International 2026: Bryonha Scope Isenia

* 1e Finalista Miss Teen Curaçao International 2026: Soline de Jongh

 

Durante e anochi tambe a ser otorgá diferente título internashonal ku lo permití e ganadónan representa Kòrsou den kompetensianan internashonal durante aña 2027:

 

* Miss Teenager Universe Curaçao: Charayneli Sint Jacoba

* Miss Teen Continents Curaçao: Quiviona Martis

* Miss Teen Planet Curaçao: Meaghan Vos

 

Finalmente, despues di un kompetensia inspirador i di haltu nivel, e gran ganadora i embahadora prinsipal di hubentut pa Kòrsou a ser koroná komo:

 

Miss Teen Curaçao International 2026 – Tashyana Overkempe di Fuik

 

Curaçao International Crowned Queens por mira bèk riba un anochi sumamente eksitoso ku a resaltá no solamente beyesa, sino tambe karakter, liderazgo, servicio komunidario i desaroyo personal.

 

Di parti di e organisashon, nos ta ekspresá nos mas sincero gradisimentu na tur patrosinadó, miembro di prensa, huradonan, boluntario, famianan i amigunan ku a kontribuí pa hasi posible e evento memorabel aki.

 

Huntu, nos ta sigui traha pa inspirá, empoderá i prepará e siguiente generashon di lideranan hòben di Kòrsou pa nan futuro tanto lokal komo internashonal. Esaki ta nos promesa na Korsou

 

Curaçao International Crowned Queens