Parlamento di Kòrsou
Djaluna, 15 di sèptèmber 2025, den kuadro di preparashon pa IPKO i Tripartit na hulanda, Komishon di Asuntunan di Reino, Relashonnan Interparlamentario i Relashonnan Eksterior a sigui ku preparashonnan intensivo.
Durante e reunion, Miembronan di Komishon a trata huntu ku huristanan di Gobièrnu dos leinan ku próksimamente lo wòrdu tratá den Tweede Kamer:
Tratado tokante interkambio di informashon di datonan personal
Lei di barku (Schepenwet).
Riba tur dos leinan ariba menshoná, komishon a risibí informashon tékniko nesesario pa prepará delegashon di Kòrsou pa por tratá e leinan den Tweede Kamer dia 25 di sèptèmber 2025.
Banda di esaki, Komishon ta siguí prepará riba e temanan ku tin riba agènda tantu di IPKO komo di Tripartit. E siguiente reunion di preparashon lo tuma lugá djabièrnè 19 di sèptèmber 2025.