Apertura temporada di Karnaval Bándabou 2025-2026. 

 

Apertura temporada di Karnaval Bándabou 2025-2026. 

Willemstad, 19 di sèptèmber 2025 – Task Force Karnaval Bándabou ta orguyoso  di anunsiá ku riba 5 di òktober 2025, for di 10’or di mainta te ku mitar di 12 di  anochi, na Barber (Kaminda prospero Rojer), durante di selebrashon día di  Bándabou, lo tuma lugá e apertura temporada di Karnaval Bándabou 2025-2026. 

E kolaborashon aki ta dirigí pa fortifiká e evento, promové union den  organisashonnan lokal, i kreá un plataforma sostenibel pa desaroyo social  kultural na Kòrsou, spesial den Bándabou. Huntu por traha riba efisiensia,  inklushon i kontinuidat. E union entre organisashonnan ta reflehá un kompromiso  komun pa elevá e nivel di partisipashon, i empoderamentu di nos komunidat.  

Durante apertura lo bai tin:  

– Aktuashon espektakular di Grupo di Baile D’Art  

– Bataya di Brassband (Battle of Drums)  

– Show di apertura ku Banda musikal One Flavaz  

– Presentashon di nos Reina di Tumba 2025 

Tark Force Karnaval Bándabou ta konvensí, ku Karnaval di Bándabou ta un forsa  ku por uni nos pueblo. E ta duna nos e motivashon pa sigui defendé i stima nos  kultura. Ku e apertura nos ke mustra ku huntu nos por krea un futuro fuerte. Pa e  motibu aki Task Force Karnaval Bándabou ta invitá henter Kòrsou pa bin Barber i  eksperensiá e selebrashon grandi aki ku nos, disfrutá di apertura ofisial di  temporada di Karnaval Bándabou 2025-2026 i alabes Dia di Bándabou. 

Tur aporte lo yuda e organisashon kontinuá ku su mishon , pa promové i organisá  un Karnaval di kalidat ku ta reflehá i fortifiká e identidad kultural di Bándabou. 

Pa informashon i donashon por tuma kontakto ku via telefòn +5999 669-3509.