DEPARTAMENTU DI ARBITRAHE DI FFK DEN KOPERASHON KU FIFA I CONCACAF KU EKSITOSO KURSO PA NOS RÈFRINAN!
DEPARTAMENTU DI ARBITRAHE DI FFK DEN KOPERASHON KU FIFA I CONCACAF KU EKSITOSO KURSO PA NOS RÈFRINAN!
Resientemente a tuma lugá na Kòrsou e kurso anual pa rèfrinan, MA Course, organisá pa e Departamento di Arbitrahe di FFK ku sosten di FIFA i CONCACAF.
E kurso tabata pa rèfrinan entre 18 i 45 aña, ku ya ta aktivo den kompetensianan lokal i internashonal. 21 rèfri lokal i un rèfri di Boneiru a partisipá na e kurso aki ku a dura 4 dia den Corendon. E kurso tabata na enkargo di ekspertonan internashonal manera; Esfandiar Baharmast (Instruktor téniko di FIFA), Alan Brown (Instruktor físiko di FIFA) i Javier Santos e ‘Referee Development Officer’ di CONCACAF. Nos intruktornan lokal tambe tabata presente p’asina asistí durante e dianan aki.
E kurso a wòrdu repartí den e parti teorétiko i tambe e parti práktiko den Stadion Rignaal ‘Jean’ Francisca kaminda huntu ku un tim di futbòl hubenil e rèfrinan a pone den praktika tur loke nan a haña den e kurso.
Durante e último dia, e rèfrinan a partisipá na un tèst físiko den Stadion Ergilio Hato kaminda nan mester a hasi algun ehersisio p’asina midi nan kondishon físiko i nan kapasidat komo árbitro.
Vários rèfri a pasa e tèstnan aki ku éksito, entre nan nos rèfri di FIFA Norberto da Silva. Michaël Kirindongo (rèfri) i Ainsley Maria (asistente) tabata 2 di esnan ku a sobrasalí i lo wòrdu nominá komo rèfrinan pa FIFA pa aña 2026.
FFK ta felisitá tur e rèfrinan ku a asistí na e kurso aki i tambe esnan ku a pasa e ‘fitness test’ ku éksito. FFK ta komprometé pa sigui invertí den formashon i desaroyo di su rèfrinan pa garantisá un nivel di futbòl aun mas haltu aki na Kòrsou.
23 sèptèmber 2025
