Frontera (nifikashon frontera) ta un entrenamentu ku ta enkurashá partisipantenan pa reflehá i papia tokante tópikonan importante di bida. E formashon a keda desaroyá despues di añanan di estudio i eksperensia (di trabou) ku hóbennan Kòrsou den problema na Hulanda i riba Kòrsou, pa i Sr. drs.Lindon Marselia, Sikólogo.

E meta final di e training aki ta pa e participantenan siña “habilidadnan social” y “patronchinan di pensamento nobo” cu lo permiti nan funciona miho den e sociedad di awendia.

Pa un estilo di bida saludabel i balansá, ta importante pa tin límitenan kla. Fronteranan ta definí ken nos ta i ken nos no ta.

P’esei ta vital pa siña pone límitenan saludabel den bida, siña manehá nan, i siña tuma responsabilidat pa loke ta pasa denter di nos mes teritorio (denter di e fronteranan ei).

Ki ora mi ta bisa si i ki ora mi ta bisa nò?

Fronteranan ta influensiá tur área di nos bida. Tin fronteranan físiko, fronteranan mental, fronteranan emoshonal i fronteranan spiritual.

E seshon djasabra último, dia 20 di sèptèmber, tabatin 22 partisipante.

E reunion a tuma lugar na SEDA. Partisipantenan a partisipá aktivamente, kaminda nan a wòrdu pidi pa pone nan límitenan personal i a wòrdu reto pa reflehá riba nan.

 Algun partisipante a atmití abiertamente ku nan ta lucha pa pone límite (bisa “nò”) debí na bèrgwensa òf miedu di konsekuensianan negativo òf rechaso.

E partisipantenan a indiká ku nan ke siña mas tokante e tópiko aki i ku un seshon no tabata sufisiente pa papia tokante tur aspekto di fronteranan.

Nos ta spera e siguiente seshon.

Un kordial saludo.

Na nòmber di e Tim di Salú ta  Rikesa

R. Victoria

Visionario i Lider di Proyekto Health =Wealth  e projecto Aserkamento Intergraal Urbanismo di Bario

Powerd by DIOS FE META