Un detenshon mas relashoná ku kaso di atrako ku morto


KUERPO POLISIAL KÒRSOU
KOMUNIKADO DI PRENSA
359/2025
24 sèptèmber 2025
Un detenshon mas relashoná ku kaso di atrako ku morto
Kontinuando ku investigashon den e kaso di atrako ku morto ku a tuma lugá djárason dia 20 di ougùstùs 2025 (Komunikado di Prensa 327/2025), polis a hasi un detenshon mas .
Djamars 23 di sèptèmber 2025 alrededor di 15.05’or, polis a detené e hòmber J.M. di 18 aña di edat nasé na Kòrsou.
Su detenshon a tuma lugá na un minimarket riba Monchiweg.
Despues e tim di Atrako a tene un entrada hudisial na su kas den Kaya Tanki. Durante di entrada hudisial a haña i konfiská algun artíkulo ku ta di importansia pa e investigashon
A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.
