𝟐𝟖𝐭𝐡 𝐔𝐧𝐢𝐯𝐞𝐫𝐬𝐚𝐥 𝐏𝐨𝐬𝐭𝐚𝐥 𝐂𝐨𝐧𝐠𝐫𝐞𝐬𝐬 𝟐𝟎𝟐𝟓

Komo minister di Tráfiko, Transporte, i Planifikashon Urbano mi a bishitá Dubai pa e di 28 edishon di UPU ( Universal Postal Congress 2025) komo e minister enkargá ku Pòst.

Durante e kongreso postal, kada 4 aña 192 pais rònt mundu ta bini huntu pa delibera i fiha nan posishon di strategia postal pa e próksimo 4 aña nan

E reglanan pa por logra esaki ta ser inkorporá den diferente tratado. Un di e momentu nan más importante di e kongreso aki ta e elekshon pa e direktor general i vice direktor general i tambe e difierente konsehero nan ku ta keda skohe.

Pa e próksimo aña nan Sr Masahiko Metoki i Sr Marjsn Osvald a keda re-elegi komo direktor i vice direktor di UPU.

Kòrsou, Aruba i Sint Maarten ta kompartí un asiento den UPU i ta keda representá pa e personan di e delegashon.

Kiko e bishita na e di 28 edishon di UPU ta nifiká pa Kòrsou?

Esaki ta duna Kòrsou un chèns di tin integrashon global, adaptá na standarnan di modernisashon, oportunidat ekónomiko, representashon di un pais chiki den Karibe mei mei di e grandi nan i tambe krea kooperashon regional.