Kampaña públiko di CBS ta enfoká riba hóbenan Esaki ta nos!
Kampaña públiko di CBS ta enfoká riba hóbenan Esaki ta nos!
Kon ta ku e hobenan na Boneiru, Saba i Sint Eustatius? Kon ta ku nan salú i nan bienestar? Nan ta eksperiensiá tentamentu (bullying)? Nan ta experimentá diskriminashon? Kon nan ta mira nan futuro? Esaki ta algun di e aspektonan ku Ofisina Sentral di Estadístika (CBS) ta resaltá den e siguiente parti di e kampaña públiko E ta nos!
Na 2024, CBS a hasi un enkuesta entre studiantenan entre 10 i 18 aña, den enseñansa sekundario i mbo. E resultado ta duna un bista aktual di situashon di e hóbenan. CBS tin hopi sifra konfiabel tokante diferente tema sosial i ta invitá institushonnan pa hasi uso di e datonan aki den nan desaroyo di maneho i proseso di desishon.
CBS ta kontinuá ku investigashon riba diferente tema i tambe ta pidi kontribushon di siudano i empresa.
Esaki ta nos!
Esaki ta nos! ta e kampaña ku CBS ta realisá den 2025. Ku poster na diferente establesimentu i kampaña online nos a mustra anteriormente kon nos sifra ta konta e historia di nos poblashon. Awor nos ta pone enfoke spesial riba hóbenan.
E kampaña ta na Hulandes, Ingles i Papiamentu i ta tuma lugá na Boneiru, Saba i Sint Eustatius.
