Petishon pa organisá fiesta di tambú i aguinaldo 

 

 

 

KUERPO POLISIAL KÒRSOU 

 

KOMUNIKADO DI PRENSA

365/2025

28 sèptèmber 2025 

Petishon pa organisá fiesta di tambú i aguinaldo 

Relashoná ku temporada di fin di aña ku ta aserkando, Departamentu di Permít (U.B.W.) di  Kuerpo Polisial Kòrsou ta partisipá lo siguiente pa loke ta trata tambú i aguinaldo. Pa garantisá ku bo petishon pa permít pa organisá fiesta di tambú i aguinaldo ta wòrdu  prosesá na tempu, mester tene kuenta ku lo siguiente: 

∙ E petishon pa fiesta di tambú i aguinaldo mester wòrdu entregá dos (2) dia di trabou  promé ku fecha di e aktividat na Korps Politie Curaçao, Unit Bijzondere Wetten situá na Winston Churchillweg; 

∙ E petishon aki por wòrdu hasí entre 09.00’or i 12.00’or riba dianan di trabou na  ofisina di U.B.W.; 

∙ E lista di eksigensianan ta disponibel na U.B.W. i por pasa tuma esaki personalmente  durante di e orario ariba menshoná òf por pidi esaki tambe via email ubw@polis.cw of por yama e number di telefòn 7246104; 

∙ E proseso aki ta solamente pa fiesta di tambú i aguinaldo i ta bálido entrante promé di òktober 2025 pa 11 di yanüari 2026; 

∙ En bista ku e temporada benidero aki ta unu sumamente okupá i ku ta spera hopi  petishon, ta sugerí tur siudadano ku ta interesá, pa no warda te na último momentu  pa hasi tal petishon.