Promé Minister Gilmar Pisas a partisipá den e evento “High Tea for the High Seas”, kaminda e la sera konosí i papia ku Minister di Hustisia i di Laman di Nort (na Ingles ta North Sea) di Bélgika, Annelies Verlinden.

Durante e dialógo, Promé Minister Pisas i Minister Verlinden a enfatisá importansia di nos oseano i nan biodiversidat, i a diskutí nesesidat di mas sosten pa e Akuerdo tokante konservashon i uso sostenibel di biodiversidat marino (Tratado BBNJ).

Aunke e tratado no a drenta na vigor ainda, Promé Minister Pisas a reafirmá e importansia di e tratado aki pa Kòrsou, komo parti di Reino Hulandes i komo Estadonan Insular i Chiki den Desaroyo (SIDS) i pa sigui traha huntu pa protehá nos oseano pa generashonnan di presente i futuro.