WoMen’s Steering Committee ku charla: ‘Muhé, Geo-polítika i su retonan pa nos komunidat’

 

 

 

 

WoMen’s Steering Committee ku charla: ‘Muhé, Geo-polítika i su retonan pa nos komunidat’

 

WILLEMSTAD – Mundu ta travesá tempu di kambio, reto i inseguridat. E tenshon internashonal entre potensianan grandi manera entre otro Estados Unídos, USA, China, Venezuela i Colombia  aliansanan nobo manera BRICS i SCO, ta krea un panorama global i regional hopi kompleho di hopi reto pa nos pais. Na mesun tempu, nos ta enfrentá kambio klimatológiko severo, migrashon masivo, tráfiko di hende, krímen organisá i atakenan sibernetiko kual nos mester prepará nos komunidat p’é. I e mihó manera pa ta prepará ta pa bon informá,” segun Sra. Mirieta Lourens – de Lanoy, presidente di WoMen’s Steering Committee (WSCC). Pa e motubu aki nos ta tene seshonnan informativo ku charlanan di personanan ku konosementu di e materia ku nos ta trata.”

 

Djasabra awor, 4 di Oktober, WSCC ta tene un enkuentro informativo ku komo orador invitá sr. Sidney ‘Bicho’ Justiana, kende lo informá di e situashonnan deskbribí aki riba, e retonan den un charla titulá; “Fókonan di guera nan konsekuensia pa e hende muhé i nos komunidat”.

 

Nos di WoMen’s Steering Committee ta kere ku, a pesar di e situashon geo-polítiko i retonan, mester empoderá e hende muhé pa nan ta pilá di resiliensia. Sigur si nos tene kuenta ku e hende muhé ta entre otro: 

• E persona ku ta manéha rekursonan limitá pa mantené famia.
• Den komunidat, muhé ta pará dilanti den hopi organisashon i aktividat di sosten.
• Den trabou, muhé ta e dosentanan, enfermeranan i trahadónan sosial etc. 

 

Fecha: Djasabra 4 di Oktober 2025
Ora: 10 or pa 12 or
Sitio: Sentro di WSCC na Sta. Rosaweg 140C

Partispashonta grátis – pero mester registra via app na +599 9 5108159 òf via

E-mail: info@steeringcommitteecuracao.com

 

Lo informá, trata i debatí riba:

• Kiko e desaroyo (rivalidat USA – China, BRICS, SCO, konfliktonan mundial i regional i krísis klimatológiko) ta nifiká pa nos isla Kòrsou i su komunidat.
• Kon situashon na e.o Venezuela i Haiti ta afektá nos komunidat i nos hende muhé.
• Kon muhé ta eksponé na tráfiko di hende, violensia i eksplotashon
• E kapasasidat ku e hende muhé tin pa atendé ku e retonan.
• Kua ròl Women Steering Committee i su organisashonnan afiliá por hunga pa inspirá, protehá i guia komunidat den e tempu di inseguridat i desafio.

 

“Nos ta invitá tur miembro i direktiva di organisashonnan afiliá na WSCC pa partisipá, pero ta informá ku registrahon ta habrí tur tur hende. E momento aki ta pidi liderato fuerte i un bista kla pa traha riba un Kòrsou mas safe, ku perspektiva i un komunidat inklusivo bon prepará pa futuro.”