Detenshon relashoná ku violensia relashonal, maltrato i sekuestro 

 

KUERPO POLISIAL KÒRSOU 

 

KOMUNIKADO DI PRENSA

366/2025

29 sèptèmber 2025 

Detenshon relashoná ku violensia relashonal, maltrato i sekuestro 

Djaluna 29 di sèptèmber 2025 alrededor di 08.15’or, Sentral di polis a dirigí un  unidat polisial den área di Sorsaka pa un kaso di maltrato i sekuestro. For di investigashon ku polis a hasi na e sitio un hòmber víktima a konta polis  ku e tabata huntu ku su pareha na un parada di bùs den área di Sorsaka. Diripiente èks di su pareha a sorprendé nan i maltrat’é. 

Despues di e maltrato e èks pareha a hinka e dama den su vehíkulo i a bai  kune kontra di su boluntat for di e sitio. 

Alrededor di 08.45’or, na un kas den área di Herst a lokalisá e dama i a hasi  detenshon di e hòmber R.E.T. di 34 aña di edat nasé na Kòrsou, relashoná ku  e kaso ariba menshoná. 

A presentá e sospechoso dilanti di un fiskal ouksiliar ku a ordená su 

enkarselamentu pendiente di mas investigashon.