Komienso di trabounan na Santa Rosaweg i Seshon di Informashon pa Habitantenan

Willemstad – Minister Charles Cooper huntu ku Servisio pa Obra Públiko (OW) ta anunsiá ku projto lo kuminsá ku trabounan na un parti di Santa Rosaweg. E trabounan aki ta nesesario pa mehorá e infrastruktura i garantisá e seguridat i aksesibilidat di e kaya.

Pa informá habitantenan i interesadonan tokante e proyekto, durashon i impakto di e trabounan, ta organisá un seshon di informashon. Durante e seshon aki, partisipantenan lo tin opprtunidat pa hasi preguntanan i haña sa mas tokante e planifikashon i posibel medidanan di tráfiko.

Detayenan di e seshon di informashon:

• Fecha: 2 di òktober 2025
• Orario: 6or pa 8or di anochi
• Luga: Sentro di Bario Santa Rosa

Nos ta invitá tur interesadonan pa asistí na e seshon aki.