Den kuadro di mantenshon di órden públiko i siguridat, gezaghèber a disidí pa hasi uso di supervishon ku kámara durante Regata.

Dikon supervishon ku kámara?

E kámaranan ta intenshoná pa vigilá òrden públiko i siguridat, pa garantisá i mehorá siguridat di nos bishitantenan, pero tambe pa duna sosten na polis i otro servisionan di ousilio, di manera ku nan por reakshoná rápidamente riba kualke insidente.

Kon e supervishon ku kámara ta funshoná?

• Ta filma solamente espasio públiko.
• Ta warda e imágennan di kámara durante maksimalmente 4 siman.
• Ta indiká presensia di e kámaranan na un manera bon kla.

Te ki dia esaki ta na vigor?

E supervishon ku kámara ta na vigor for di 5 di òktober te ku 12 di òktober 2025. Despues di e periodo akí e kámaranan no ta aktivo mas.

Huntu pa un Boneiru mas seif

Bo koperashon ta importante pa éksito di e medidanan akí. Nos ta apresiá bo komprenshon i kompromiso. Huntu nos ta sòru pa un Regata seif i plasentero na Boneiru.