Prome minister di Aruba Mike Eman Savaneta a bira awe mainta e centro di celebracion di historia, cultura y patrimonio durante apertura oficial di Open Monumentendag 2026.

June 8, 2026 REDAKSHON

Prome minister di Aruba Mike Eman

Savaneta a bira awe mainta e centro di celebracion di historia, cultura y patrimonio durante apertura oficial di Open Monumentendag 2026. E actividad, organisa pa Stichting Monumentenfonds Aruba den colaboracion cu Fundacion Savaneta y Departamento di Cultura Aruba, a reun nos baluartenan, representantenan di organisacionnan, agrupacionnan cultural y comunidad pa celebra e herencia historico cu ta forma parti esencial di identidad di Aruba.

E apertura a tuma luga na FUNARI y a cuminsa cu un acto simbolico, caminda un yabi representando Stichting Monumentenfonds Aruba a wordo traspasa di man pa man entre e hobennan, e baluartenan di bario, Prome Minister Mike Eman y representante di e organisacinan envolvi. E acto a simbolisa e responsabilidad comparti pa habri porta pa nos historia y pa sigui preserva nos patrimonio pa e generacionnan cu ta bin.