KUERPO POLISIAL KÒRSOU 

 

KOMUNIKADO DI PRENSA 382/2025 11 òktober 2025

 

Sospechoso den kaso di asesinato ta tira su mes 

Djasabra 11 di òktober 2025 alrededor di 07.00’or a base di investigashon ku  personal di reshèrshi ta hasiendo den e kaso di asesinato ku a tuma lugá den  mardugá di 10 di òktober 2025 (Komunikado di Prensa 381/2025), Tim di  Aresto i e personal investigativo a bai na San Pedro, na unda e sospechoso  tabata. 

Na momentu ku el a tuma nota ku e ta bai wòrdu detené, el a pone e arma di  kandela ku e tabatin den su poder na su kabes, i a lòs un tiru ku a alkansé na  su kabes. 

Mesora polis a yega serka i a pidi ambulans pa presentá na e sitio, pa stabilis’é  i dun’é promé asistensia. 

Despues el a keda transportá pa Sala di Emergensia di C.M.C. 

Ta trata di e hòmber sospechoso R.V.R. di 36 aña di edat nasé na Kòrsou. E kaso ta sigui den investigashon.