Melysa Pengel ta gana e título di Miss Teen Caribe Universo 2025

Melysa Pengel ta gana e título di Miss Teen Caribe Universo 2025

 

Punta Cana – djasabra 11 òktober 2025 a tuma luga e di dos edishon di e sertamen Internashonal Miss Teen Caribe Universo 2025 na Punta Cana Republika Dominicana.

 

Melysa Pengel kua ta di dos finalista di Miss Teenage Curaçao 2025 organisá pa QMQ Organization a representá Kòrsou dignamente. 

 

Durante hinter un siman Melysa a sa di hala hopi atenshon ku su vestiario pero tambe sigur ku su beyesa impekabel. Durante tur presentashon, Melysa a lusi i a transformá su mes den un dje  gran faboritanan. 

 

Durante e show final ku a keda transmití via instagram por a mira e representantenan den 3 presentashon ofisial ku ta trahe di apertura, trahe di baño i trahe di gala. Por mira tur tres presentashon di Melysa riba media sosial di QMQ Organization. Despues di e presentashonnan a sigui un ronda di pregunta pa tur miss por a skohé un ènvelòp.

 

Deapues di e sekshon di pregunta, a hasi anunsionan speshial i ku orguyo nos por bisa ku Ayanette Haard Statia ta gana e premio di mihó direktor nashonal. Un premio meresí pa e dedikashon i trabou duru ku Ayanette ta hasi huntu ku su team di QMQ Organization. 

 

Seguidamente a skohe un tòp 6 kua nan a yama Melysa di último den e top. Esaki a krea un tenshon enorme. Finalmente a skohe e tòp 3 i asina a anunsiá e ganadornan. 

 

Republica Dominicana a sali di dos finalista. Na e momentu ei, Curacao i Colombia a tene pa skucha e resultado final. Colombia ta resultá e promé finalista i Kòrsou ta resulta e ganador apaoluto. 

 

QMQ Organization ke yama danki na tur pèrsona ku di un òf otro manera a aportá na preparaahon i presentashon di Melysa. Kòrsou, bo por ta orguyoso di otro hóben talentoso i ku ta un gran prospekto pa sigui den e mundu di beyesa i representá Kòrsou den sertamennan grandi.