Servisio Meteorológiko Kòrsou ta na altura di e pronóstiko hasi pa National Hurricane Center.

Servisio Meteorológiko Kòrsou ta na altura di e pronóstiko hasi pa National Hurricane Center.

Na prome luga kiko e imagen ta nifiká?
E imagen ta ilustra lo siguiente: posishon di un disturbio(X), kua direkshon probablemente e disturbio lo bai move, kuantu % chèns pa un posibel desaroyo durante di próksimo 7 dianan i lokual ta mas importante e posibel área den kual e sentro di un posibel siklon tropikal lo por forma.

Na e momentunan aki e disturbio tin 20% chèns di desaroyo durante e próksimo 7 dianan. Despues di hasi algun analisis Meteo a konstata ku e modelonan mas grandi di wer kual ta e modelo Merikano i Europeo no ta riba mes un liña pa lokual ta trata pronóstiko di e disturbio ariba menshona.

Pues na e momentunan aki ta hopi prematuro pa por duna un pronóstiko riba e sistema.

Servisio Meteorológiko Kòrsou lo siguí vigila desaroyo di e disturbio i mantene pueblo di Kòrsou debidamente informa.