KOMUNIKADO DI KUERPO POLISIAL KÒRSOU Detenshon pa intento di ladronisia.

KOMUNIKADO DI KUERPO POLISIAL KÒRSOU
200 / 2017
12 yüni 2017
Detenshon pa intento di ladronisia.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 12 di yüni 2017, alrededor di 12.46’ or, Sentral di Polis a risibí notifikashon ku dos
hòmber ta forsa porta di un kas na Montagne Rey. Mesora a dirigí un unidat polisial pa e
sitio. Bayendo na e kas ariba menshoná e patruya ta komprondé di sentral di polis ku e dos
hòmbernan a bai for di e sitio i a drenta den un kas ku ta den konstrukshon den Kaya Prei.
Durante un búskeda den e kas den konstrukshon na Kaya Prei polis a topa ku dos hòmber
ku ta kuadra ku e deskripshon di e dos hòmbernan ku un ratu promé tabata forsa porta di
kas na Montagne Rey. Tambe polis a haña i konfiská dos skrufdrai den e parti kaminda a
topa ku e sospechosonan. Polis a detené na e sitio e hòmbernan:
S.J.D. di 21 aña di edat;
J.G.M. di 22 aña di edat,

ámbos nasé na Kòrsou, komo sospechoso di intento di ladronisia.
A presentá e sospechosonan dilanti un fiskal ouksiliar ku a ordená nan enkarselamentu
pendiente di mas investigashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: