“FireON” su di dos produkshon titula: Imperfekto

“FireON” su di dos produkshon titula: Imperfekto

FireOn ta un upcoming artist ku a debutá ku su promé “single titulá mama”. Ta trata di e artista Pharon Pilgrim konosí komo FireON. Den e entrevistanan anterior relashoná ku su numero ku el a saka riba merkado spesial pa dia di mama, el a primintí ku lo e saka su di dos kansion den luna di yuni kual ta titulá “Imperfekto”. Meta di e produkshon ta pa alertá un i tur ku bida por ta dushi awe pero ku por tin retonan siguiente dia. Un kos ta sigur, si un hende no tin influensia positivo den bo bida, bo mester sali for di e sirkuló kaminda e hende aki tin influensia. FireOn ta indiká pa bo keda pendiente pa e track ku lo sali na radionan e siman aki I pa fin di luna di yuni e lo lansa e produkshon komo media audio visual

Inspirashon
Tur kos a kuminsá forma su mes den luna di maart, kaminda FireOn a produsí un numero titulá “Mama”. E próksimo produkshon FireOn a usa situashonnan di bida ku el a pasa aden pa e skibi “Imperfekto”. Esaki ta e malchi basíko ku FireOn ta operá komo kompositor tin un basé , esta krea numeronan kual hende por identifiká nan mes kuné. Momentu ku esaki tabata kla , el a manda e idea i melodia pa e produktor Najee Rosario. Esaki ta kontinuá ku e mesun malchi esta kreá for di e letranan i melodia, un produkshon final.

FireOn ta un artista ku ke inspirá su públiko pa biba bon. Bida tin hopi buelta kual nos kada un ta saka ortro siñansá for di dje pero e produkshonnan di FireON mester ta un estímulo I e “push” nesesario pa e hende komprondé bida i usa e eksperensia pa hasi bon pa bo mes i mas ku klaro pa otronan.

Tin preguntanan ku semper bai ta biba den nos pensamentu, dikon nos komo hende ta wòrdu manipulá pa biba un bida ku no ta na agrado di e nos mes komo persona? E hende mester biba un bida ku ta agradá Dios i su mes persona. Ounke nos niun no ta perfekto , nos mester purba biba un bida rekto i hasi tur lokual ku ta korekto. Un chèns di biba so bo tin, pues biba trankil I disfrutá di bo momentu. Tin biaha nos ta biba sin paga tinu riba lokualnan ku ta pasa rondo di nos i nos mester ta kouteloso.

Eksperensia
Despues ku su kansion mama a sali I tabata tin eksitó den temporada di mama el a plania pa bai selebrá ku su amigunan e wikènt siguiente. I un par di ora promé el a kanselá e salimentu ya ku e no sinti sali e dia ei. Mainta el a risibí yamadanan indikando ku su amigunan ku e mester a sali kuné a aksidentá den oranan di anochi i nan a keda gravemente herida. Algun siman despues su ruman tabata víktima di atrako. Esakinan ta momentunan bisto kon Dios a skapa no su so pero tambe esnan ku e stima for di morto. Nos por bisa ku awe tur a rekuperá I ta riba pia.

Finalmente e produkshon “Imperfekto” lo ta pronto riba merkado i sin mas esaki lo ta otro mensahe na un i tur.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: