Bishita di Minister di Hustisia na NFI: Un akuerdo importante pa Kòrsou.

Awe mainta mi a realisá un bishita importante di trabou na Nederlands Forensisch Instituut (NFI), kaminda nos a papia riba e akuerdo eksistente pero tambe amplia e relashon i kolaborashon ku Kòrsou.

NFI ta operá den 37 área di investigashon,inkluí p.e. investigashon den telefòn, evidensia di vários tipo di delito pero tambe DNA. Ku yudansa di desaroyo teknológiko i automatisashon, NFI por analisa mas di 100.000 muestra di DNA pa aña—permitiendo investigá hopi mas spóren den un tempu mas kòrtiku.

Pa Kòrsou, e mayoría di e petishon fórensiko ta relashoná ku DNA (aproksimadamente 200 pa aña) i tambe investigashon patológiko. Próksimamente lo mi bolbe firma e prolongashon di e kolaborashon akí, ku ta un paso grandi pa sigui fortalesé e kapasidat tèkniko i investigativo di Kòrsou den área di hustisia.