---

 

 

KUERPO POLISIAL KÒRSOU 

KOMUNIKADO DI PRENSA

397/2025

18 òktober 2025 

Violensia relashonal ku detenshon i konfiskashon 

Djabièrnè 17 di òktober 2025 alrededor di 16.35’or, Sentral di Polis a dirigí un  unidat polisial pa Kaya Nubia pa un kaso di violensia relashonal i den kua e  sospechoso ta den poseshon di un arma di kandela. 

Na yegada di e unidat, el a keda aserká pa un persona ku a indiká ku tantu e dama víktima komo e sospechoso ta den kamber di e kas i ku e hòmber tin un  arma di kandela den su poder. 

Huntu ku mas unidat, polis a rondoná e kas i despues a drenta den e kamber  na unda a topa ku e pareha. 

E dama a deklará na polis ku e hòmber a menas’é ku morto pa medio di e  arma di kandela. 

E sospechoso na su turno a splika polis ku bèrdat e ta den poseshon di un  skopèt di yag i ku esaki ta riba un kashi. 

Polis a konfiská e arma i mesoara a detené e hòmber R.N.C.P. di 34 aña di  edat nasé na Kòrsou pa menasa i violashon di e lei di arma di kandela. 

A present’é dilanti di un fiskal ouksiliar ku a ordená su enkarselamentu  pendiente di mas investigashon.