Pronóstiko di tempu pa Kòrsou i bisindario bálido te djárason mainta 06:00 o.l., 22 di òktober 2025.
Pronóstiko di tempu pa Kòrsou i bisindario bálido te djárason mainta 06:00 o.l., 22 di òktober 2025.
Kompilá:
djamars 21 di òktober 2025, 05:00 o.l. (09:00 UTC). KÓDIGO HEL: UN MENSAHE DI PREKOUSHON PA MAL TEMPU TA NA VIGOR. KÓDIGO HEL: UN MENSAHE DI PREKOUSHON PA LAMAN BRUTU.
Tempu:
Parsialmente te de bes en kuando hopi nublá ku chèns pa algun áwaseru moderá te ku fuerte i welek ku bos.
Temperatura máksimo lo alkansá 30ºC i temperatura mínimo 25ºC.
Solo ta sali 06:26 i ta baha 18:14 o.l.
Bientu:
Direkshon for di suitost i suak te moderá; forsa 2 te 4 (7 te 30 km/ora, 4 te 16 nudo). Prinsipalmente durante áwaseru, de bes en kuando basta fuerte te fuerte den ráfaga; forsa 5 te 6 (31 te 50 km/ora, 17 te 27 nudo).
Situashon general:
E disturbio tropikal (AL98), aktualmente situá na parti nort di e Islanan ABC, ta sigui move poko poko den direkshon wèst tresiendo áwaseru lokalmente fuerte i tambe welek i bos riba nos isla y bisindario durante e proksimo 24 ora. Esaki por kondusí na un poko molèster na e sitionan kustumbrá riba kayanan di Kòrsou.
Kondishon di laman:
Trankil te moderá ku altura di olanan entre di 0.5 i 1.5 meter (2 pa 4 pia). Pero olanan mas haltu (te ku 7 pia) ta situá prinsipalmente na e parti di laman na sùit i wèst di nos isla. Pa e motibu aki, un mensahe di prekoushon pa laman brutu (Kódigo Hel) ta na vigor ainda i ta konsehá landadónan i marineronan pa ehersé koutela ora di nabegá den e kondishonnan aki. Tambe, tin un tiki resake pegá ku kostanan nort.
Sistemanan signifikante di wer tropikal:
Sistemanan signifikante di wer tropikal: Disturbio AL98, aktualmente situá djis nort di e Islanan ABC, ta moviendo den direkshon wèst i ta keda bou di opservashon. Kondishonnan atmosfériko ta keda faborabel pa mas desaroyo i e sistema aki ta premirá pa evolushoná den un depreshon tropikal òf tormenta tropikal den e próksimo oranan. AL98 aktualmente no ta forma menasa inmediato pa e Islanan ABC. Sinembargo, su serkania ta kontribuí na e kondishonnan di wer instabil den henter e área, inkluyendo islanan ABC. Pa e motibu aki, un mensahe di prekoushon pa mal tempu (Kódigo Hel) ta na vigor ainda.
Fenómeno spesial:
Ningun.
Perspektiva te djaweps mainta:
Parsialmente te hopi nublá ku chèns pa algun áwaseru ku posibel welek i bos.
Meteorólogo:
Vrutaal.