Kòrsou su produkto turístiko presentá na Feria Internacional de Turismo na Argentina
Kòrsou su produkto turístiko presentá na
Feria Internacional de Turismo na Argentina
WILLEMSTAD – 21 di òktober 2025 – Resientemente Ofisina di Turismo di Kòrsou (CTB) huntu ku partnernan di sektor privá a partisipá na Feria Internacional de Turismo (FIT) na Buenos Aires, Argentina. CTB a partisipá ku e meta pa konektá ku konsumidónan, mayoristanan i agentenan di biahe pa asina mustra Kòrsou su produkto turístiko diverso i úniko. Durante e dos promé dianan, e partisipantenan na e feria a inkluí públiko general, agentenan di biahe i e último dos dianan tabata dediká na eksklusivamente profeshonalnan den turismo.
FIT 2025 a konta ku partisipashon di aproksimadamente 140 mil bishitante di kual 40 mil ta profeshonalnan di Argentina i di diferente pais den region Cono Sur. E aña aki e stènt di Kòrsou tabata unu kolorido ku énfasis riba Kòrsou su konosido brùg di ponton, Handelskade i paisahenan espektakular di nos playanan. Durante e kuater dianan di e feria, e tim di Kòrsou a presentá paketenan atraktivo diseñá pa inspirá bishitantenan pa skohe Kòrsou pa nan próksimo vakashon. E tim a tene tambe diferente reunion stratégiko ku mayoristanan manera Aero, Travel Services, Ola i Almundo i tambe ku agensianan di biahe online entre otro booking.com i Almundo. Mas aleu, e tim a tene diferente entrevista ku medianan dirigí riba negoshi manera Ladevi, Diario de Turismo, Report, Rumbo Trade i Mensajero Turistico, komo tambe ku medianan manera entre otro Telfe Neuquen i La terraza de Rosario.
Partisipashon na ferianan di turismo manera FIT ta brinda un oportunidat balioso pa konektá ku tantu potensial turistanan komo profeshonalnan den turismo. Partnernan ku a forma parti di e tim di Kòrsou ta: Rumba Tours, Corendon Mangrove Beach Resort, The Rif at Mangrove Beach Corendon Curaçao All-Inclusive, Fiesta Tours, Hyatt Inclusive Collection, Hibiscus Beach House, Curaçao Marriott Beach Resort, Curaçao Vacation Tours, Avila Beach Hotel & TUI Blue Curaçao i Kunuku Aqua Resort.
———————
Curaçao Highlights Its Tourism Offerings at the
Feria Internacional de Turismo in Argentina
WILLEMSTAD – October 21, 2025 – Recently, the Curaçao Tourist Board (CTB) and private sector partners participated in the Feria Internacional de Turismo (International Tourism Fair – FIT) in Buenos Aires, Argentina. CTB participated with the goal of connecting with consumers, wholesalers, and travel advisors to showcase the diverse and unique tourism offerings of the destination. During the first two days, attendees included consumers and travel advisors, while the last two days were dedicated exclusively to tourism professionals.
FIT 2025 hosted approximately 140,000 visitors, of which 40,000 were professionals from Argentina and various countries across the Cono Sur region. This year, Curaçao featured a colorful stand highlighting the island’s iconic pontoon bridge, the Handelskade, and stunning views of its beaches. Throughout the four-day fair, the Curaçao team presented attractive travel packages designed to inspire visitors to choose Curaçao for their next vacation. The team also held strategic meetings with wholesalers such as Aero, Travel Services, Ola and Almundo, as well as with online travel agencies such as booking.com and Almundo. In addition, the team gave numerous interviews to trade media outlets including Ladevi, Diario de Turismo, Report, Rumbo Trade and Mensajero Turistico, as well as to mass media outlets such as Telfe Neuquen and La terraza de Rosario, among many others.
Participation in tourism fairs such as FIT provides valuable opportunities to engage both potential tourists and tourism professionals. Partners who joined included: Rumba Tours, Corendon Mangrove Beach Resort, The Rif at Mangrove Beach Corendon Curaçao All-Inclusive, Fiesta Tours, Hyatt Inclusive Collection, Hibiscus Beach House, Curaçao Marriott Beach Resort, Curaçao Vacation Tours, Avila Beach Hotel & TUI Blue Curaçao and Kunuku Aqua Resort.
