Konsehero Stratégiko di Gabinete di Hustisia, Sra. Sascha Mercer ku ta enkargá ku e kartera di ORV, a bishitá nos instituto.

Durante su bishita, sra. Mercer a risibí un rekorido di nos fasilidatnan den kompania di nos Direktora, Sra. Falbru, Sector Manager Initiële Opleidingen, Sr. Maduro, i Communicatie Manager, Sr. Richardson.

Sra. Mercer a risibí un presentashon di e diferente

formashonnan ku ORV ta ofresé i a kombersá tokante varios puntonan importante pa e desaroyo kontinuo di ORV. Algun punto di e reunion a enserá planesnan pa ORV kolaborá ku Miami i Colombia, e oportunidat pa amplia e kantidat di dosentenan na ORV, Werkgroep Integriteit Justitie (WIJ) i e “instellingsbesluit”.

Sra. Mercer a ekspresá su apresio pa e informashon risibí i su entusiasmo riba e kolaborashon ku lo sigui entre ORV i Gabinete di Hustisia.