Entrada hudisial ku detenshon relashoná ku kaso di tiramentu 

 

KUERPO POLISIAL KÒRSOU 

 

KOMUNIKADO DI PRENSA

409/2025

28 òktober 2025 

Entrada hudisial ku detenshon relashoná ku kaso di tiramentu 

Kontinuando ku investigashon den e kaso di tiramentu ku a tuma lugá dia 7 di yüni 2025 na un trùk di pan den Kaya Max F. Henriquez, polis a hasi un detenshon. Djamars 28 di òktober 2025 alrededor di 05.00’or, polis a detené e hòmber C.J.R di  18 aña di edat nasé na Kòrsou. 

Su detenshon a tuma lugá na su kas den Kaya Shers, siguí pa un entrada hudisial na e  mesun adrès. 

Durante di e entrada hudisial a haña i konfiská algun artíkulo ku ta di importansia pa  e investigashon 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.