Detenshon relashoná ku violashon di lei di arma di kandela 

 

KUERPO POLISIAL KÒRSOU 

KOMUNIKADO DI PRENSA

411/2025 30 òktober 2025 

Detenshon relashoná ku violashon di lei di arma di kandela 

Djarason 29 di òktober 2025 alrededor di 18.07’or, un unidat di U.S.T. a tuma nota di  un vehíkulo den Kenepaweg, di kua e okupantenan tabata aktua di un forma  sospechoso. 

Polis a duna e shofùr di e outo aki òrdu pa para, pero el a ninga esaki i a sigui kore. Mesora e unidat a kuminsá ku un persekushon den Dominguito i Steenrijk. Durante di e persekushon, e outo den kua e sopsechosonan tabata, a dal den un  otro vehíkulo i a sigui kore. 

Den Elmesstraat e outo a dal kontra di un muraya di kas. E okupantenan a kontinuá nan huida na pia i polis a hañ’é obligá na lòs un tiru ku a alkansá un di e  

sospechosonan na su pia robes. 

Den Dr. Jonckheerstraat polis a logra detené e promé sospechoso heridá. A pidi  ambulans pa transport’é pa Sala di Emergensia di C.M.C. pa trata e herida di bala ku  el a risibí. 

Kontinuando ku e investigashon, un ratu despues polis a logra detené e di dos  sospechoso den Leidenstraat. 

E sospechosonan tabata den poseshon di dos arma di kandela ku a keda konfiská huntu ku e vehíkulo. 

A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.