Reanudashon di Reunion di Komishon Sentral di Parlamento di Kòrsou tokante e akuerdo firmá promé di yüli último entre ORYX Midstream i e entidat R.D.K. pa operá e fasilidatnan di nos refineria.

Djaweps, 30 di òktober 2025, Parlamento di Kòrsou a reanudá e reunion di Komishon Sentral ku tabata di skòrs for di djamars, 3 di sèptèmber 2024. E punto prinsipal di e reunion tabata e deliberashon ku Minister di Asuntunan General, sr. Gilmar Pisas, i gerensia di Refineria di Kòrsou (R.D.K.), sr. Newton, tokante e akuerdo firmá promé di yüli último entre ORYX Midstream i e entidat R.D.K. pa operá e fasilidatnan di nos refineria.

E reunion a kuminsá ku kontestanan di Minister di Asuntunan General i gerensia di R.D.K riba preguntanan ku miembronan i ex-miembronan di Parlamento a hasi den e promé tanda.

Siguidamente, den e di dos tanda, tur miembro di Parlamento a risibí 10 minüt pa hasi preguntanan adishonal dirigí na e minister òf gerensia di R.D.K. Despues di esaki, e minister i gerensia a tuma dos ora pa prepará i presentá nan kontestanan final.

E reunion aki ta unu ku a kuminsá den e periodo parlamentario anterior i di kual Parlamento a disidi di sigui kune den e periodo aktual.