Komishon di Finansa di Parlamento a risibí delegashon di IMF

Un delegashon di IMF a reuní ku e komishon fiho di Finansa pa papia tokante e forma kon Parlamento ta eksperensiá e transparensia i komunikashon di parti di Banko Sentral di Kòrsou i Sint Maarten (CBCS).

E kontakto personal aki ta parti di un proseso pa mira si e instituto CBCS ta kumpli ku e Central Bank Transparency Code (CBT) di IMF. Durante e kombersashon vários aspekto di komunikashon i transparensia a keda tresé dilanti huntu ku ehèmpelnan konkreto. E kombersashon tabata hopi informativo i satisfaktorio pa ambos partido.