Habitantenan di Dam Pretu ta grita pa solushon

Den e siman ku a pasa, varios grupo, organisashon i habitantenan rondó di Dam Pretu a bini huntu pa figa un posishon klaro. E situashon ku ta relashoná ku dumpmentu di mèst na Dam Pretu ta keda empeorá, i hopi hende ta sinti nan ta desatendí.

E komunidat ta biba den un estado di deseperashon. No solamente Moderno, pero tambe otro kompania ta dump mèst den e zona. Pa kolmo, tin un kriadero di porko ku ta falta higiena na tur manera i ku ta kontribuí na e problema.

Habitantenan ta sinti ku nan ta desampara, sin vos, sin protekshon. Nan ta hopi frustra i hopi di nan a jega na e punto di perde konfiansa den e sistema. E pregunta ku ta keda sin respuesta: kon ta bai sigui ?