E siman aki a kuminsá ku trabounan di mantenshon na playanan parti pabou di nos isla kaminda resake a kousa daño

E siman aki a kuminsá ku trabounan di mantenshon na playanan parti pabou di nos isla kaminda resake a kousa daño

Willemstad – Minister di Asuntunan General enkargá tambe ku Agrikultura, Medio Ambiente i Naturalesa señor Gilmar Pisas ta partisipá ku mardugá di djárason 29 di òktober a surgí un resake pabou di nos isla, kual a afektá vários playa públiko. Despues ku e efektonan di e resake a manifestá, kolaboradónan di Ministerio di GMN riba indikashon di Minister Pisas a bishitá e playanan i a hasi un inventarisashon di e daño.

Playanan ku a keda  afektá ta: Boca Samí, Playa Grandi (Playa Piskadó) na Wèstpunt, Playa Kenepa Grandi i Playa Kenepa Chikítu, Daaibooi, Lagun i Sta Cruz. Entretantu ya a hasi e tramitenan nesesario pa kontratistanan spesialisá hasi e trabounan di reparashon i mantenshon di e playanan. Ta bon pa enfatisá ku lo no sera e playanan durante e periodo ku e trabounan ta wòrdu hasí.
.
Durante e resake olanan grandi a hala tur e santu bai kuné i depositá bastante piedra riba e playanan. Awor ku e situashon di laman normalisá por hasi trabounan di reparashon i mantenshon. Riba potrèt por mira e daño ku e resake a okashoná na vários di nos playanan.