Detenshon pa menasa

KUERPO POLISIAL KÒRSOU
KOMUNIKADO DI PRENSA
447/2025
24 novèmber 2025
Detenshon pa menasa
Djadumingu 23 di novèmber 2025 alrededor di 23.15’or, Sentral di Polis a dirigí un unidat di polis pa Noord Zapateer pa un kaso di menasa.
Na yegada di e unidat, el a topa ku un hòmber ku un machete den man nèt na momentu ku e tabata menasá su bisiñanan.
Polis a komprondé ku un ratu promé e hòmber aki tabatin problema ku bisiñanan i den su rabia el a kap tur mata ku el a haña den su kaminda. Inmediatamente polis a hasi detenshon di e hòmber W.V.I. di 28 aña di edat nasé na Kòrsou, pa e kaso di menasa ariba menshoná.
A presentá e sospechoso dilanti di un fiskal ouksiliar, ku a ordená su enkarselamentu pendiente di mas investigashon.
