QMQ Ta marka un momento Históriko pa Kòrsou: CEO di Teen Universe, Reina aktual i títulunan Regional ta uni riba nos Isla.
QMQ Ta marka un momento Históriko pa Kòrsou: CEO di Teen Universe, Reina aktual i títulunan Regional ta uni riba nos Isla.
Willemstad, Kòrsou — Queen Making Queens Organization ta orguyoso pa anunsiá un logro signifikante pa Kòrsou i komunidat di den Caribe.
Di 2 te ku 6 di Dezèmber, Kòrsou lo ta afritrion pa: Alexander Montiel, CEO di Miss Teen Universe, Miss Teen Universe 2025 Guizza Maria Steenvoorde, Amanda Verkerk di Kòrsou i 3rd Runner-Up di Miss Teen Universe 2025 i Thalina Gill Miss Teenage Curaçao i representante pa Teen Universe 2026.
Pa promé biaha den historia di nos Isla, QMQ a logra algu ku nunka a yega di sosodé den pasado. Esaki ta reuní e CEO di Miss Teen Universe huntu ku beyesa nan lokal ku ta kla pa bai representá Kòrsou Internashonal.
E bishita di Alexander Montiel tin un sinifikado speshal pa QMQ pero tambe pa Kòrsou. Mirando ku Teen Universe ta yegando su selebrashon di 15 aña di eksistensha den 2026 na Nicaragua.
QMQ su meta ta pa sigui traha duru pa logra e tipo di aliansa nan aki. E tipo di aliansa nan aki ta duna Kòrsou un promoshon inpagel riba tereno Internashonal.
E kombinasón úniko di lidernan i reinanan na un solo lugá ta marka un paso importantísimo pa bista i kredibilidat di Kòrsou riba e podium Internashonal.
E siman speshal aki lo ta momentunan ku hopi balor, inkluindo e rekuentro den Guizza Maria i Amanda Verkerk, ku a forma un laso fuerte durante Teen Universe 2025, i tambe e momento pa nos Miss Teenage Curaçao aktual Thalina Gill ku ta rumbo pa Teen Universe 2026 konosé Guizza Maria Steenvoorde. Nan presensia huntu ta simbolisá unidat, kresementu i e union den hòbennan ku tin un meta; representá nan Isla dignamente.
Durante nan estadia, delegashon di Teen Universe lo tene reunion ku Gobièrnu di Kòrsou, lo reuni ku tim di maneho di QMQ i lo tuma parti den presentashonnan komunítario i aktividatnan kultural. QMQ a prepará un programa túristiko pa mustra e hospitalidat, bunitesa i e rikesa kultural di Kòrsou.
E logro grandi aki ta demonstrá e bon trabou ku direktor Internashonal Ayanette Haard Statia a bin ta hasi.
QMQ Organization ta gradisí e supòrt risibí i ta pidi tur amante di beyesa pa sigui e plataforma nan di QMQ pa mas informashon.